தொடர் கட்டுரைகள்

தொடர் கட்டுரைகள் (55)

2004 டிசம்பர், 26
சொல்லிக் கொள்ளாமல் சுனாமி வந்தநாள். தன் பெயரைப் பிரபலப்படுத்த ஆழிப்பேரலை கடலோரக் கிராமங்களை காவு கொண்ட நாள். படகுகளைப் பந்தாடி குப்பங்களை கொலைக்களம் ஆக்கிய நாள்.
பரங்கிப் பேட்டைக்கும் அந்த பாதரவு வந்தது. கடலோர மக்கள் பசியும் பட்டினியுமாய் அடுத்தடுத்துள்ள தெருக்களில் நிர்க்கதியாய் நின்றனர்.
அன்று ஓர் மணவிழ என்பதால் அங்குள்ள முஸ்லிம்கள் ஒன்றாய்க் கூடியிருந்தனர். அவர்கள் கவனம் மணப்பந்தலை விட்டு மீனவர்களின் இயலாமையின் பக்கம் சாய்ந்தது. விழாவுக்காக சமைக்கப்பட்ட உணவு மீனவர்களின் பசியைப் போக்க உதவியது. அடுத்து பாதிக்கப்பட்டவர்களை நோக்கி சகோதர சமுதாயத்தின் உதவிக்கரங்கள் நீண்டன.
அன்றுவரை ஒரு வகையான சுவருக்குப்பின் வாழ்ந்தவர்களை சுனாமி ஒன்றாக்கியது. சுவற்றை உடைத்தெறிந்தது.
நிலைமைகள் சரியாகி கடலுக்குச் சென்ற மீனவர்கள் தாய் பிள்ளை அன்போடு அனைத்தையும் பள்ளிவாசல் வாயிலுக்குக் கொண்டு வந்து கொட்டினர்.

2. parangip pettai 6
சுனாமி செய்த ஒரு நாள் பாய்ச்சலால் முஸ்லிம்களும் மீனவர்களும் ஒன்றாகினர். உறவுக்கரம் பற்றினர்: இவ்வுறவை மேம்படுத்தியவர் பேரூராட்சியின் மேனாள் தலைவர் யூனுஸ் அவர்கள்.
கடலோரங்களில் பெரும்பாலும் மீனவமக்களும் முஸ்லிம் மக்களுமே வாழ்கின்றனர். இவ்வாறு வாழும் இரு சமுதாயங்களிடையே நீண்ட உறவுகளோ நெருக்கமான தொடர்புகளோ இல்லை. இதை சுனாமி பரங்கிப்பேட்டையில் புரட்டிப்போட்டது.
கடல், கடலோர மக்களை ஆய்வு செய்துவரும் பேராசிரியரும் ‘பழவேற்காட்டிலிருந்து நீரோடிவரை’ எனும் நூலாசிரியருமான வஹீதையா கான்ஸ்டைன் கடற்புரத்து மக்களிடையேயுள்ள தொடர்பின்மையைப் பற்றிக் கவலைப்படுகிறார். இனிவரும் ஏதாவது கட்டுரையில் நாம் கடற்புரத்து மக்களின் தொடர்பையும் தூர விலகி நிற்பதையும் பற்றி விரிவாகப் காண்போம்.
பரங்கிப் பேட்டை கடலூர் மாவட்டத்து பாழைய துறைமுக ஊர். இங்கிருந்து கடலூர் 30 கி.மீ. தூரத்தில் வடக்கில் உள்ளது.
பழம்பெரும் நகரான பரங்கிப்பேட்டையின் பழைய பெயர்கள் : ஆதிமூலோவரம், வருணா புரி, கிருஷ்ணாபுரி, கிருஷ்ண பட்டினம், முத்து கிருஷ்ணபுரி, நாயக்கர்களின் ஆட்சியிலிருந்த துறைமுகப்பட்டினம் முஸ்லிம்களின் பெருக்கத்திற்குப்பின் முகமதுபந்தர் எனப் பெயர் பெற்றுள்ளது. பந்தர் என்பதன் பொருள் துறைமுகப்பட்டினம் என்பதே. பரங்கியர்களின் குடியேற்றத்திற்குப்பின் பரங்கிப்பேட்டை எனப் பெயர் சூட்டப்பட்டுள்ளது. நோவா என்பது நூஹ் நபியைக் குறிக்கும் சொல் நூஹ் நபி கடற்பயணத்தைக் குறிக்கவோ PORTNOVA எனப் பெயரிடப்பட்டுள்ளது!
இவ்வூரின் பழம்பெருமைகளில் முக்கியமானது நபித்தோழர் உக்காஸா (ரலி) அவர்களின் அடக்கத்தலம். ஏழாம் நூற்றாண்டின் தொடக்கத்திலேயே இஸ்லாமியப் பேரொளி கிழக்குக் கடலோரங்களில் பரவியதைப் பற்றியும் உக்காஸா (ரலி) பற்றியும் பாகிஸ்தானின் நபீஸ் அகாடமி வெளியிட்டுள்ள நூலொன்று விரிவாகப் பேசுகிறது.
‘ஆயினேயே அகீகத்துல் நுவஸி’ -உண்மையான வரலாற்றுக் கண்ணாடி- எனும் நூல் பரங்கிப் பேட்டை பற்றி பேசுகிறது. இதன் ஆசிரியர்: மௌலானா அக்பர் ஷாஹ் கான் நஜீப் ஆபாதி. இந்தநூல் தவிர ‘இந்தியத் துறவிகள் – ‘Saints of india’ எனும் நூலும் உக்காஸா (ரலி) பற்றி கூறுகிறது. இவரின் அடக்கத்தலம் ‘கண்டெடுக்கப்பட்ட பள்ளி’ என அழைக்கப்படுகிறது. முந்தைய கால கட்டத்தில் இப்பகுதியில் புகையிலைத் தோட்டங்கள் இருந்தனவாம்.
ஏழாம் நூற்றாண்டுக்கு முன்பே அரபு வணிகர்கள் பரங்கிப்பேட்டைக்கு வந்து சென்றுள்ளனர். உக்காஸா (ரலி) வருகையின் போது வந்தவர்களும் அவரால் இஸ்லாத்தைத் தழுவியவர்களும் இறைநேசர்களாகி பரங்கிப்பேட்டை முழுவதும் அடங்கியுள்ளார்கள். அவர்களின் கபரடிகள் 360-வும் இன்று சிறிய பெரிய தர்காக்களாக உள்ளன.
எட்டு, ஒன்பது, பத்து என நூற்றாண்டுகள் ஓட பதிமூன்றாம் நூற்றாண்டில் அரபகத்திலிருந்து வந்து கடியேறிய பனிரெண்டு பட்டினங்களில் பரங்கிப்பேட்டையும் ஒன்று. இவர்களின் பண்பாட்டு அடையாளம் பெண்வீட்டுக்கு மாப்பிள்ளை சென்றுவாழ்வது, பெண்ணுக்கு சீதனமாய் வீடு வழங்குவது. இப்பழக்கம் பரங்கிப்பேட்டையிலும் உண்டு. இப்பழக்கம் இல்லாத முஸ்லிம் குடிகளும் இங்கு உண்டு.

2. parangip pettai 2
5000 முஸ்லிம் மக்கள் தொகையைக் கொண்ட பரங்கிப்பேட்டையில் பதினாறு பள்ளிவாசல்கள் இருக்கின்றன. இன்று வெளிநாடுகளுக்கு சென்ற முஸ்லிம்கள் அன்று கப்பல்காரர்களாய விளங்கியுள்ளனர், இன்று ஆயிரத்துக்கும் மேற்பட்டோர் அயல்நாடுகளில் உள்ளனர்.
முனைவர் ஜெ. ராஜாமுகம்மது எழுதியுள்ள ‘தமிழக முஸ்லிம்களின் கடல் வாணிப வரலாறு’ எனும் நூல் பரங்கிப்பேட்டையின் பண்டைய வரலாற்றைப் பாறைசாற்றுகிறது.
துறைமுகத்தின் அமைவிடமே அதன் மேன்மையை மேலும் மேலும் உயர்த்தும் பரங்கிப்பேட்டைத் துறைமுகத்தின் அமைப்பு கடலும் ஆறும் சங்கமிக்கும் இடமாக இருக்கிறது. கொள்ளிடத்திலிருந்து கிளைபிரிந்துவரும் வெள்ளாறு கடலில் கலக்கும் இடத்தில் ஆற்றின் இடதுபக்கம் முகத்துவாரம் அமைந்துள்ளது. முகத்துவாரம் வழியாக மரக்கலங்கள் ஆற்றில் நங்கூரமிடப்படும். தெற்கே பிச்சாவரம் சதுப்பு நில சுரப்புன்னைக் காடுகள் பாதுகாப்பாய் அமைந்துள்ளன.
கிழக்குக்கடற்கரை துறைமுகங்கள் கிரேக்கம், ரோமர், யாவனர் என தொடர்புவைத்திருந்த வணிக மையங்கள். அரபு முஸ்லிம்கள் வருகை தந்து கொண்டிருந்த முகத்துவாரங்கள் காலப்போக்கில் போர்த்துக்கீசியர், டச்சுக்காரர்கள், டேனிஷ்காரர்கள், பிரெஞ்சியர், ஆங்கிலேயர்கள் வசம் கைமாறின. இவர்களைப் பொதுவாக பரங்கியர் என வரலாறு கூறுகிறது.
இவர்களில் டேனிஷ்காரர்கள் தரங்கம்பாடியிலும், பரங்கிப்பேட்டையிலும் வணிகம் செய்துள்ளனர். இவர்களின் எச்சமாக தரங்கம்பாடியில் டேனிஷ் கோட்டையும் பரங்கிப் பேட்டையில் ‘டேனிஷ்மெண்ட் மிஷன் பள்ளி’யும் உள்ளன. இப்பள்ளிக்கு அண்ணல் காந்தி அடிக்கல் நாட்டியுள்ளார்.
டச்சுக்காரர்களை இலங்கையர் ஒல்லாந்தர் என்பர், பரங்கிப்பேட்டையிலும் அவர்கள் ஒல்லாந்தர் என அடையாளப்படுத்தப்பட்டுள்ளனர். அவர்களின் நிறுவனங்கள் இருந்த பகுதி ‘ஒல்லாந்தர் தோட்டம்’ என்றும் கல்லறை ‘ஒல்லாந்தர் கல்லறை’ என்றும் இன்றும் குறிப்பிடப்படுகின்றன.
பரங்கிப்பேட்டையிலிருந்து துணிவகைகளும் சாயவகைகளும் (INDIGO) ஏற்றுமதியாகியுள்ளன. இவை கிழக்கு - மேற்கு நாடுகளை சென்றடைந்துள்ளன.
துணிமணிகளோடு அரிசி, நவதானியங்களும் ஏற்றுமதியாகின. யானை, குதிரைகளோடு, மிளகு, லவங்கம், பாக்கு, வாசனைத் திரவியங்களும் இறக்குமதியாகின. கெதா, பைகு, ஜோகர் போன்ற கிழக்காசிய நாட்டு மன்னர்கள் தம் கப்பல்களை பரங்கிப்பேட்டைக்கு அனுப்பினர்.
பரங்கிப்பேட்டை கப்பல் கட்டும் தொழிலில் புகழ்பெற்றிருந்தது. இங்கு கட்டப்பட்ட கப்பல்களை கிழக்காசிய பண்டம் நாட்டு சுல்தான் விரும்பி வாங்கியதாக ஆவணங்கள் உள்ளன. சிறந்த ஓடாவிகளாய் இருந்த முஸ்லிம்கள் கப்பல்களைக் கட்டியதோடு பழுது பார்ப்பதிலும் சிறந்து விளங்கியுள்ளனர். கப்பல் கட்டுவோர் கலப்பத்தர் எனவும் அழைக்கப்பட்டனர். கப்பல் கட்டதேவையான மரங்களை விற்க கிட்டங்கிகள் இருந்துள்ளன.
பரங்கிப்பேட்டை கப்பல் வணிகர்கள் கல்கத்தா முதல் மலாக்கா, அச்சை, பர்மா, மலாயா, இலங்கை ஆகிய இடங்களில் பெரும்வணிகம் செய்தனர். சென்ற இடங்களில் தங்கியும் தொழில் செய்துள்ளனர். சோழ மண்டலக்கடற்கரையிலிருந்து சென்று வாழ்ந்தவர்களின் தெருக்கள் சோழியர் தெரு என அழைக்கப்பட்டன.
முஸ்லிம்கள் வணிகர்களாக மட்டும் இருக்கவில்லை. அவர்கள் மாலுமிகளாகவும் கப்பல் தொழிலாளர்களாகவும் விளங்கியுள்ளனர். கப்பல் மாலுமிக்கு அரபு மொழியில் ‘நகுதர்’ எனப் பெயர். நகுதா எனும் பெயரோடு முஸ்லிம்கள் உள்ள ஊர்கள் பரங்கிப்பேட்டையும் நாகூரும் ஆகும். வேறு ஊர்களில் இப்பெயர் புழக்கத்தில் இல்லை.
இராமநாதபுர மாவட்ட புதுமடம் போன்ற ஊர் முஸ்லிம்கள் பெயரோடு ‘நகுதா’ எனப்பொருள்தரும் சம்மாட்டி எனும் சொல்லை பெயரோடு சேர்த்துக் கொள்கின்றனர். கப்பலின் மீகாமனே சம்மாட்டி ஆவார்.
பரங்கிப்பேட்டை வணிகர்கள் கிழக்காசியத் துறை முகங்களில் பெயர் சொல்லும் அளவில் தொழில் செய்துள்ளனர். மலாக்கா நாட்டு எபராக் துறைமுகத்தில் சித்திக்லெப்பை அந்நாட்டின் அரசு வணிகராக விளங்கியுள்ளார். ஷேக் சந்தா மரைக்காயர், ஷேக் இஸ்மாயில் மரைக்காயர் ஆகியோர் பர்மா துறைமுகங்களில் பெயர் பெற்றிருந்தனர்.
முகம்மது அலீ மரைக்காயர் பல கப்பல்களுக்குச் சொந்தக்காரராயிருந்துள்ளார். ஹபீபுல்லா மரைக்காயர் ‘படே தவுலத்’ எனும் கப்பலுக்குச் சொந்தக்காரராயிருந்துள்ளார். மீரா லெப்பை, பீர் மரைக்காயர் எனப் பலர் செல்வாக்கு மிக்க கப்பல் வணிகராய்த் திகழ்ந்துள்ளனர்.

2. parangip pettai 3
பரங்கிப்பேட்டை ஆற்காடு நவாபின் துறைமுகங்களில் ஒன்று. முகம்மது அலீ ஆற்காடு நவாபாக இருந்தபோது சஃப்பைனதுல்லா, சஃப்பைனத்துல் நபிம் ஆகிய இரு கப்பல்கள் அவர்களுக்குக் சொந்தமாக இருந்தன. இந்த இரு கப்பல்களும் பயணிகளோடு பொருட்களையும் ஏற்றிக்கொண்டு இங்கிருந்து அரபகத்துக்குப் புனிதப்பயணம் செல்ல பயன்பட்டிருக்கின்றன. இவற்றின் மாலுமிகளும் தொழிலாளர்களும் பரங்கிப்பேட்டை சகோதரர்களாய் இருந்துள்ளனர்.
பரங்கியரின் தொழில் போட்டியால் பரங்கிப்பேட்டை முஸ்லிம்கள் விவசாயிகளாய் மாறினர். அவர்கள் வெற்றிலைக் கொடிக்காரர்காளகவும் புகையிலை பயிரிடுபவர்களாகவும் உள்நாட்டு வணிகர்களாகவும் புதிய களங்களைக் கண்டனர். பலர் வெளிநாடுகளில் தங்கி புதிய வணிகங்களை மேற்கொண்டனர்.
சிதம்பரம் அண்ணாமலைப் பல்கலைக்கழகம் அருகில் இருப்பதால் பரங்கிப்பேட்டைக்காரர்கள் பட்டதாரிகளாக மாற வாய்ப்பேற்பட்டது. அவர்கள் பல்வேறு பணிகளில் சேர்ந்து உயர்வடைய கல்வி கை கொடுத்தது.
பரங்கிப்பேட்டை கடல் வளம் நிறைந்த பகுதி, இங்கு கடற்கரை கழிமுகம் சதுப்பு நிலம் ஆற்று நீரோடைகள் அனைத்தும் காணப்படுகின்றன. இந்த ஊரை கடல் ஆராய்ச்சிக்காக அண்ணாமலைப் பல்கலைக் கழகத்தின் விலங்கியல் துறையினர் தேர்ந்தெடுத்து கடல் உயிரின ஆய்வு மையம் - Marine Biology Study Center - ஒன்றினை நிறுவியுள்ளனர்.
இந்த மையத்தில் கடல் உயிரினங்கள், பற்றிய ஓர் அருங்காட்சியகம் இருக்கிறது, இதனைக்காண ஏராளமான பெதுமக்கள் மாணவர்கள், சுற்றுலாப் பயணிகள் தினமும் வருகின்றனர். ஒரு கோடி ரூபாய்க்கும் மேலான மதிப்புள்ள 10,000 புத்தகங்கள் கொண்ட நூலகமும் இங்கு இருக்கிறது. ஆய்வுக்காக ஒரு கப்பலும் நான்கு படகுகளும் கூட இங்கு உள்ளன. இந்த ஆய்வு மையம்தான் இந்தியாவில் கடல் உயிரின ஆய்வுக்கான தொடங்கப்பட்ட முதல் ஆய்வு நிலையமாகும்.
பேராசிரியர் சாதிக் அப்துல் அமீது சென்னை சதக் கல்லூரியின் தமிழ்ப் பேராசிரியர், பரங்கிப்பேட்டைக்காரர், நல்ல நண்பர், ஆய்வாளரும்கூட, அவரை நான் பரங்கிப்பேட்டையில் சந்தித்தேன். அவர் பல அரிய தகவல்களைத் தந்தார்.
கி.பி. 1784 இல் ஆங்கிலேயரை எதிர்த்து ஹைதர் அலி இரண்டாம் மைசூர் போர் புரிந்தார். அதன் நினைவுப் போர்க்கொடி கம்பமும் கல்லறைகளும் இன்றும் அழியாச் சின்னங்களாக உள்ளன. ஹைதர் அலி தோல்வியைத் தழுவியதைப் பற்றிய கல்வெட்டு ஒன்று உண்டு. அப்போரில் மரணித்தவர்கள் ஹில்ரு நபி பள்ளிவாசல் கப்ரஸ்தானில் ஓய்வுறக்கத்தில் உள்ளார்கள்.
ஆசியாவின் முதல் இரும்புத் தொழிற்சாலை பரங்கிப்பேட்டையில் நிறுவப்பட்டிருந்தது. 1818 - இல் நிறுவப்பட்ட உருக்காலை ஜோயம் ஹீத் எனும் ஆங்கிலேய வணிகரால் உருவாக்கப்பட்டது. இங்கு கட்டிடங்களுக்கான வார்ப்படங்களும் பாலங்களுக்கான இரும்புத் தொகுதிகளும் வடிக்கப்பட்டு லண்டன், சிங்கப்பூர் என ஏற்றுமதி செய்யப்பட்டன. சென்னை எழும்பூர், சென்ட்ரல் ரயில்வே அலுவலகங்களில் கூட பரங்கிப்பேட்டை வார்ப்படங்கள் பயன்படுத்தப்பட்டுள்ளன. வெள்ளாற்றங்கரையில் அமைக்கப்பட்ட இரும்பாலைக்கு சேலத்திலிருந்து இரும்புத்தாதுக்கள் நீர்வழியாகவே கொண்டுவரப்பட்டுள்ளன. நீர் வழி, கடல் வழிப் பயன்பாடுகள் உச்சத்தில் இருந்த கால கட்டத்தில் பரங்கிப்பேட்டை வளம் கொழிக்கும் ஊராகத் திகழ்ந்துள்ளது.
பரங்கிப்பேட்டை வெள்ளாறும் கடலூர் உப்பனாறும் இணைக்கப்பட்டு அந்நீர்த்தடம் புதுச்சேரியைக் கடந்து பக்கிங்காங்கால்வாயோடு சேர்க்கப்படும் திட்டம் செயல் படுத்தப்படாமல் போயிருக்கிறது. கடலோர ஆறுகள் இணைக்கப்பட்டு நீர்வழிப் பயணங்கள் தொடர்ந்திருந்தால் கிழக்குக் கடற்கரைச்சாலை பயணத்திற்கு இணையாக நீர்த்தடப் பயணங்களும் வளர்ந்திருக்கும்.
மதராஸ் பட்டினத்திலிருந்து கடலூர், பரங்கிப்பேட்டை, நாகப்பட்டினத்தைத் தொட்டு மலேயா, சிங்கப்பூர் சென்ற கப்பல்கள் பொருள்களோடு பயணிகளையும் ஏற்றிக் சென்றுள்ளன.
இன்றைய சாலைப் போக்குவரத்தோடு நீர் வழிப்போக்குவரத்தையும் கடல் வழிப் போக்குவரத்தையும் கற்பனை செய்து பாருங்கள், காக்கிநாடாவிலிருந்து பரங்கிப்பேட்டை வரை உருவாகியிருக்க வேண்டிய மூன்று வழிப்பாதைகள் தரைவழிப் பாதையாக மட்டும் சுருங்கிப் போய்விட்டது. இந்த சுருக்கத்தை இருப்புப்பாதை ஓரளவு விரிவடையச் செய்துள்ளது.
பேராசிரியர் சாதிக் அப்துல் அமீது சீறா புராணம் பற்றிய சில செய்திகளைச் கூறினார் சீறாப் புராணத்தின் கையேட்டுப் பிரதிகள் இரண்டு பரங்கிப்பேட்டையில் இருந்ததாகவும் அவை ஹாஜி காதர் அலி மரைக்காயர் ஜனாப் ஒலி சாகிபு ஆகிய இருவரின் வசம் இருந்ததாகவும் பேராசிரியர் கூறினார்.
அக்கையேட்டுப் பிரதிகளில் ஒன்று 1890 - இல் கண்ணமுது மகமூது புலவர் மூலம் பதிப்பிக்கப்பட்டு ஜனாப் அபுல் காசிம் மரைக்கார் இல்லத்தின் முன் போடப்பட்ட பந்தலில் வெளியிடப்பட்டதாகவும் பேராசிரியர் கூறினார்.
பரங்கிப்பேட்டையில் அடங்கப்பட்டிருக்கும் உக்காஸா (ரலி) பற்றி கூறிய பேராசிரியர் கோல்கொண்டாவிலிருந்து வந்து அடங்கியிருக்கும் இறைநேச செல்வர் அக்காஷா பற்றியும் எடுத்துரைத்தார். அக்காஷா தர்காவின் கந்தூரிவிழா மிகவும் பெரிய அளவில் நடந்ததாகவும் அங்கு நடந்த பெருஞ் சந்தையில் எல்லாப் பொருட்களும் தங்கு தடையின்றி கிடைத்தாகவும் என்னுடைய பரங்கிப்பேட்டை உறவினர் கவுஸ் பழைய கால நினைவுகளைக் கண்முன் கொண்டுவந்தார்.
எந்த ஊரிலும் இல்லாத அளவுக்க பரங்கிப் பேட்டையில் உள்ள தர்காக்களில் பெண் இறைநேசர் அரைக்காசு நாச்சியார் தர்காவும் ஒன்று. எமனிலிருந்து வந்து அடக்கமாகியிருக்கும் அன்னையின் சரியான பெயர் அல் குறைஷ் பீவி.
முற் காலத்தில் மூன்று முஸ்லிம்களின் ஊர்களுக்கு ‘வகுதை’ எனும் சிறப்புப்பெயர் சூட்டப்பட்டிருந்தது. அவை காயல்பட்டினம், கீழக்கரை, பரங்கிப்பேட்டை ஆகிய பட்டினங்களாகும். தொன்மைக்காலத்தில் பாரசீகத்தின் பாக்தாத் பெரும் புகழ் பெற்றிருந்த காரணத்தால் அந்த நகரத்தின் பெயரைத் தம் ஊர்களுக்கும் முஸ்லிம்கள் சூட்டி மகிழ்ந்தனர். பாக்தாத்தின் தமிழ் வடிவமே வகுதை. முந்தைய காலத்தில் கீழக்கரை, காயல்பட்டின வணிகர்கள் நாகூரில் குடியேறியதைப் போல் காயல் வணிகர்கள் பரங்கிப்பேட்டையிலும் குடியேறியிருந்தனர். அவர்கள் வாழ்ந்த தெரு காயல் தெரு.
டச்சுக்காரர்கள் பழவேற்காட்டில் நாணயங்களை வெளியிட்டு புழக்கத்தில் விட்டது போல் பரங்கிப்பேட்டையிலும் நாணயங்களை வெளியிட்டுள்ளனர். அவை ‘பரங்கிப்பேட்டை பகடா’ என குறிப்பிடப்பட்டன.

2. parangip pettai 8
பரங்கியர் காலத்தில் பரங்கிப்பேட்டையில் நெசவாலைகளும் சாய ஆலைகளும் முக்கியம் வகித்தன. டச்சுக்காரர்கள் கூட சாய ஆலை வைத்திருந்தனர். சாய ஆலை இருந்த பகுதி வண்ணாரப்பாளையம் என இன்றும் அழைக்கப்படுகிறது. கடலூரிலும் வண்ணாரப்பாளையம் உள்ளது. மதரஸாபட்டினத்திலும், திருநெல்வெலியிலும் வண்ணாரப்பேட்டைகள் உள்ளன.
இன்று பரங்கிப்பேட்டையில் நெசவுத் தொழில் இல்லையென்றாலும் அடுத்துள்ள புவனகிரியில் கைத்தறி தொழில் சிறப்புற்று விளங்குகிறது. முஸ்லிம்கள் கணிசமாக வாழும் புவனகிரியில் இரு பள்ளிவாசல்கள் உள்ளன. முட்லூர், பெருமாத்தூர் பெரியபட்டு ஆகிய ஊர்களில் முஸ்லிம்கள் கணிசமாக வாழ்கின்றனர். முட்லூரில் மட்டும் நான்கு பள்ளிவாசல்கள் உள்ளன. அடுத்துள்ள சிதம்பரத்தில் ஆறு பள்ளிவாசல்கள் உள்ளன.
பழம் புகழைப் பறை சாற்றுவதுபோல் கலங்கரை விளக்கமும் சுங்க அலுவலகமும் தோணித்துறையும் விளங்குகின்றன. புவனகிரி வட்டத்திலும் சிதம்பரம் தொகுதியிலும் உள்ள பரங்கிக்பேட்டை நாற்பதுக்கு மேற்பட்ட தெருக்களைக் கொண்ட பேரூர். ஒவ்வொரு தெருவும் கணிசமான அகலம் கொண்டது என்பது குறிப்பிடத்தக்கது. இங்கு சார்பு நீதிமன்றமும் கிளைச் சிறைச்சாலையும் கூட இருக்கின்றன.
பதிமூன்றாம் நூற்றாண்டில் அரபகத்திலிருந்து புலம்பெயர்ந்து வந்த முஸ்லிம்கள் பனிரெண்டு கிழக்குக் கடற்கரைப்பட்டினங்களில் வாழ்ந்து வருவதாக ஆவணங்கள் உள்ளன. காயல்பட்டினத்திலிருந்து பழவேற்காடு வரை ஆங்காங்கு அவர்கள் பல்லாண்டுகளாக வாழ்ந்த வருகின்றனர். அவர்கள் அவர்களுக்குள்ளேயே அகமணம் புரிந்து வாழ்கின்றனர்.
பழவேற்காட்டின் அருகில் அவர்களின் வகையறா இல்லாததால் அவர்களுக்குள்ளே மணம் முடித்துக் கொள்கின்றனர். பரங்கிப்பேட்டைக்காரர்கள் கடலூரும் திரு முல்லை வாசலும் அருகில் இருப்பதால் அகமணம் செய்து கொள்கின்றனர். என்றாலும் தற்போது அவ்வழக்கம் மாறிவருகிறது. கீழக்கரை - காயல்பட்டின மரைக்கார்கள் அவ்வழக்கத்தைத் தொடர்கின்றனர். தொலைவைப் பார்க்காமல் இரு ஊராரும் தொடர்ந்து தம் உறவைப் பேணி வருகின்றனர்.
பரங்கிப்பேட்டைக்காரர்கள் புதுவை, கோட்டக்குப்பம், நெல்லிக்குப்பம் வரை சம்பந்தம் செய்கின்றனர். சில மாதங்களுக்கு முன் காரைக்காலில் ஒரு தம்பியைச் சந்தித்தேன். அவர் புதுக்கோட்டை மாவட்டம் கட்டுமாவக்கடிக்காரர். அவர் தன் சகோதரியை பரங்கிப்பேட்டையில் மணம் முடித்துக் கொடுத்திருப்பதாக சொன்னார்.
தொடக்கத்தில் சிங்கப்பூர், மலேசியா முதலிய கிழக்காசிய நாடுகளில் சம்பாதித்ததோடு சம்பந்தமும் செய்து வாழ்ந்த பரங்கிப்பேட்டைக்காரர்கள் இன்று அரபு நாடுகள் முழுதும் சென்று சம்பாதித்து வாழ்கின்றனர்.
அமைதியான ஊர், அழகான ஊர், பழம்பெருமை வாய்ந்த ஊர் பரங்கிப்பேட்டை. இப்பேரூரை நீங்கள் ஒரு முறை சென்று கண்டு வரவேண்டும். பழங்கால நினைவுகளை நெஞ்சில் கொண்டு வர வேண்டும்.

 அ. முஹம்மது கான் பாகவி

மாணவக் கண்மணிகளே! அரபிக் கல்லூரியில் நீங்கள் மாசுமறுவற்ற முறையில் கற்க வேண்டிய மிக முக்கியமான கலை “இறையியல்” ஆகும். ‘கடவுள்’ என்ற தத்துவத்தையும் அதை அடிப்படையாகக் கொண்ட கோட்பாடுகளையும் குறித்த துறையே ‘இறையியல்’ (Theology) எனப்படுகிறது. இதையே, இறைவனின் தன்மை (இறைமை), இறைவனுக்கும் மனிதனுக்கும் உள்ள உறவு ஆகியன பற்றிய துறை என்றும் கூறுவர்.
மத்ரஸாக்களில் இதையே ‘அகீதா’ (நம்பிக்கை) என்று குறிப்பிடுவர். இறைவன் என்றால் யார்? அவனது மெய்மை என்ன? அவனுக்கே உரிய தனித்தன்மைகள் யாவை? அவன் நம்பச்சொன்ன இறை மார்க்கம், இறைத்தூதர், இறைமறை, வானவர்கள், மறுமை, மரணத்திற்குப்பின் உயிர் கொடுத்து எழுப்பப்படல், இறைவனின் விசாரணை, அவனது தீர்ப்பு, நல்லோருக்கு அழியா சொர்க்கம், தீயோருக்கு நரகம்… போன்ற நம்பிக்கைகள் தொடர்பாக அறிந்து, ஐயத்திற்கிடமின்றி திடமாக நம்புவதே ‘அகீதா’ எனப்படுகிறது.
இந்த நம்பிக்கைகளும் கொள்கைகளும்தான் மார்க்கத்தின் அஸ்திவாரம்; செயல்கள், வழிபாடுகள் அனைத்தும் அதன் கிளைகள். இந்த அடிப்படை நம்பிக்கைகளைத்தான் ஆரம்பமாக நபிகள் நாயகம் (ஸல்) அவர்கள் மக்களுக்குப் போதித்தார்கள்; மக்களின் ஆழ்மனதில் பதியச்செய்தார்கள்.
இருக்கின்றான் இறைவன்; அவன் ஒருவன்; அவனுக்கு இணைதுணை கிடையாது; எந்தத் தேவையும் இல்லாதவன். அவனை யாரும் பெற்றெடுக்கவில்லை. அவனும் யாரையும் பெற்றெடுக்கவில்லை. அவன் இப்படிப்பட்டவன் என்று சுட்டிக்காட்டுவதற்கு -அவனுக்கு நிகராக யாருமில்லை; எதுவுமில்லை.
அவன்தான் இந்தப் பேரண்டத்தைப் படைத்தான். அதிலுள்ள அனைவரையும் அனைத்தையும் படைத்தான். ஒவ்வொன்றுக்கும் ஒரு விதியை ஏற்படுத்தினான். அந்த விதியின்படி ஒவ்வொரு பொருளும் இயங்கிவருகிறது. அவன் அறியாது துரும்பும் அசையாது. அவனுக்குத் தெரியாமல் யாரும் எங்கும் எதையும் எப்படியும் செய்ய முடியாது.
நீங்கள் எண்ணுவது, கண் இமைப்பது, செய்வது, உங்கள் பிறப்பு, வாழ்க்கை, உயர்வு-தாழ்வு, சுகம்-துக்கம், எழுவது-வீழ்வது, இறுதியாக இறப்பு, இறப்புக்குப்பின் உயிர் கொடுத்து எழுப்புவது… என ஒவ்வோர் அசைவும் அவனது திட்டப்படியும் நாட்டப்படியுமே நடக்கிறது. அவை அனைத்தையும் அவனே நிகழ்த்துகிறான். எல்லாம் அறிந்தவன். சர்வ வல்லமை படைத்தவன். கருணையாளன். கடுமையாகத் தண்டிப்பவன். அளவற்ற அருளாளன். நிகரற்ற அன்புடையோன். நல்வழி இது; தீவழி இது என தன் தூதர்கள் மூலம் அறிவித்தவன்; தன் வேதத்தில் விவரித்தவன்.

ஒற்றைக் கடவுள் கொள்கை
இதில் இரண்டு கோட்பாடுகள். 1. இறைவன் இருக்கின்றான். இந்தப் பிரபஞ்சம், வரையறுக்கப்பட்ட கச்சிதமான ஒரு விதியின்கீழ் இயங்கிவருவதே இதற்குச் சாட்சி. காரணம், வரையறுத்த அந்தப் பேராற்றல்தான் இறைவன்.
2. அவன் ஒருவன். கடவுள் பலராக இருந்திருப்பின் வானமும் பூமியும் என்றோ சீர்குலைந்திருக்கும். அதிகாரத்தை நிலைநிறுத்த ஒவ்வொரு கடவுளும் முயலும்போது போட்டி ஏற்பட்டு, நீயா-நானா என்ற தன்முனைப்பால் படைப்புகள் பரிதாபத்திற்குரிய நிலையை அடைந்திருப்பர்.

1 aalim9 4
இந்த ஒற்றைக் கடவுள் கொள்கை (தவ்ஹீத்)தான், மனிதன் படைக்கப்பட்ட நாளில் இருந்தே மனிதர்களின் நம்பிக்கையாக இருந்துவந்தது. இடையில், வல்லமைக்கு முன் பணியும் மனித புத்தியால், யாருக்கெல்லாம் எதற்கெல்லாம் வல்லமை உண்டோ அதையெல்லாம் கடவுளாக நம்ப ஆரம்பித்தான் மனிதன். சர்வாதிகாரிகள், ராஜாக்கள், குருக்கள், ஆசான்கள், ஆன்றோர்கள், சாதனையாளர்கள்… என யாரைக் கண்டெல்லாம் பிரமித்துப்போனானோ அவர்களையெல்லாம் கடவுளாக்கி, சிலைகள் வடித்து வழிபடத் தொடங்கிவிட்டான் மனிதன்.
ஒரு கட்டத்தில் பெற்ற தாயைப் பெண் தெய்வம் என்றான். தந்தையை, ‘ஆளாக்கிய சாமி’ என்றான். பிறந்த மண்ணை, செய்யும் தொழிலை, காப்பாற்றிய மருத்துவரை, கற்பித்த ஆசிரியரை, கை கொடுத்த நண்பனை, மனதுக்குப் பிடித்த நடிகரை, வாக்களித்த பொது மக்களை, பதவி கொடுத்த முதல்வரை, நெருக்கடியில் உதவியவரை… இப்படிக் கொஞ்சமும் விவஸ்தையே இல்லாமல் கண்டவரையெல்லாம், கண்டதையெல்லாம் கடவுள் என்று சொல்லி ஏமாந்துபோனான் சாமானியன்.
வேதங்களில் ஓரிறை
இறைவேதங்கள் அனைத்திலும் ஒற்றைக் கடவுள் கொள்கைதான் பறைசாட்டப்பட்டுள்ளது; பலதெய்வக் கொள்கை மறுக்கப்பட்டுள்ளது; கண்டிக்கப்பட்டுள்ளது. இதோ இறைவேங்களில் இறுதியான பரிசுத்த மாமறை திருக்குர்ஆன் பகர்வதைப் பாருங்கள்:
(நபியே!) “என்னைத் தவிர வேறு இறைவன் இல்லை. எனவே, என்னையே வழிபடுங்கள்” என்று நாம் அறிவிக்காமல் உமக்கு முன்னர் எந்தத் தூதரையும் அனுப்பிவைக்கவில்லை. (21:25)
ஒவ்வொரு சமுதாயத்தாருக்கும் தூதரை நாம் அனுப்பியிருந்தோம். (அவர்கள்) “அல்லாஹ்வையே வழிபடுங்கள்; தீய சக்திகளைத் தவிர்த்திடுங்கள்” என்றே பரப்புரை வழங்கினார்கள். (16:36)
யூத, கிறித்தவ வேதங்கள்
திருக்குர்ஆன் மட்டுமன்றி, யூத, கிறித்தவ வேதங்களான விவிலியங்களும் ஒற்றைக் கடவுள் கொள்கைக்கே சாட்சியம் அளிக்கின்றன. இறைத்தூதரை, ‘இறைவன்’ என்று வருத்திக்கொண்ட மனிதர்களின் பிழைக்கு வேதம் என்ன செய்யும்?
விவிலியம் பழைய ஏற்பாடு கூறுவதைக் கவனமாகப் படியுங்கள்!
உன்னை அடிமைத்தள வீடாகிய எகிப்து தேசத்திலிருந்து புறப்படப் பண்ணின என்னையன்றி உனக்கு வேறெ தேவர்கள் உண்டாயிருக்க வேண்டாம்!
மேலே வானத்திலும் கீழே பூமியிலும் பூமியின் கீழ்த் தண்ணீரிலும் உண்டாயிருக்கின்றவைகளுக்கு ஒப்பான ஒரு சொரூபத்தையாகிலும் யாதொரு விக்ரகத்தையாகிலும் நீ உனக்கு உண்டாக்க வேண்டாம்! (யாத்திராகமம், 20:2-5)
இந்நிலையில், அக்கால யூதர்கள், இறைத்தூதரான உஸைர் (அலை) அவர்களை (எஸ்றா) தேவனின் குமாரர் என்று சொல்லிவந்தார்கள் எனத் திருக்குர்ஆன் எடுத்துரைக்கின்றது. (9:30)
விவிலியம் புதிய ஏற்பாடு (பைபிள்) சொல்லும் தீர்ப்பைப் பாருங்கள்!
உன் தேவனாகிய கர்த்தரைப் பணிந்துகொண்டு, அவர் ஒருவருக்கே ஆராதனை செய்வாயாக! (லூக்கா, 4:8)
பரலோகத்திலிருக்கிற என் பிதாவின் சித்தத்தின்படி செய்கிறவனே பரலோக ராஜ்யத்தில் பிரவேசிப்பானேயல்லாமல், என்னை நோக்கி, கர்த்தாவே! கர்த்தாவே! என்று சொல்லுகிறவன் அதில் பிரவேசிப்பதில்லை. (மத்தேயு, 7:21)
உண்மை இவ்வாறிருக்க, இறைவனின் அடியாரும் தூதருமான ஈசா (அலை) அவர்களை – இயேசுவை - கர்த்தரின் (அல்லாஹ்வின்) குமாரர் என்கின்றனர் கிறித்தவர்கள் சிலர் என எடுத்துரைக்கின்றது திருக்குர்ஆன் (9:30).
இன்னும் சிலர், பிதா, சுதன், பரிசுத்த ஆவி ஆகிய மூன்றும் சேர்ந்து ஒருமித்த கடவுள் என்பர். இதையே ‘திரித்துவம்’ (Trinity) என்கிறார்கள். இதையும் குர்ஆன் சுட்டிக்காட்டத் தவறவில்லை. (5:73)
வேறுசிலர், மூன்றின் மொத்தமும் கடவுள்தான்; ஒவ்வொன்றும் தனித்தனியாகவும் கடவுள்தான் என்பர். இதன்படி, கடவுள்கள் மூவர் என்றாகும்.

இந்து வேதங்கள்
இந்துக்கள் தங்களின் வேதங்கள் என்றும் உபநிஷத்கள் என்றும் போற்றுகின்ற ஏடுகள் சொல்வதை இனிக் காண்போம்:
1. யா இக் இத்முஸ்தி இ (ரிக் வேதம்: 6:45:16) சமஸ்கிருத வாக்கியமான இதன் பொருள்: வழிபாட்டுக்குரியவன் இறைவன் ஒருவனே!
2. மா சிதன்யதிவி சன்சதா (ரிக்வேதம், 8:11) பொருள்: அவனையல்லாது வேறு எவரையும் வழிபடாதீர்கள்.
3. சந்தம் தமப்ரவசந்தியே அஸம்பூதம், உபாஸதே ததபூய இவ தே தமயே ஸம்பூத்யாம்ரதா (யஜூர் வேதம், 40:9). பொருள்: யார் அசம்பூதியை –இயற்கையை- வழிபடுகிறார்களோ அவர்கள் இருளில் இருக்கிறார்கள். படைக்கப்பட்டதை வழிபடுபவர்கள் ஆழ்ந்த இருளுக்குள் செல்கிறார்கள்.
4. ஏகம் ஏவல் அத்வீதயம் (சாந்தோ சியா உபநிஷத், 6:2:1). பொருள்: அவன் ஒருவனே; வேறு எவரும் இல்லை.
5. நாதஸ்தி பிரதிம அஸ்தி (ஸ்வேத்தாஸ் வரதா உபநிஷத், 4:19). பொருள்: அவனுக்கு நிகராக ஒன்றுமில்லை.
6. பிறப்பும் முடிவும் அற்ற என்னை, மயங்கிய இவ்வுலகு அறிவதில்லை. (பகவத் கீதை, 7:25)
இம்மக்கள் தாங்கள், வேதங்கள் என்று நம்பும் இவற்றின் கூற்று ஓரிறைக் கொள்கையாக இருக்க, பலதெய்வக் கொள்கையை எப்படி ஏற்றனர் என்று தெரியவில்லை. ஒரே பரம்பொருள் என்று கூறும் இந்து சமயம், எங்கும் நிறைந்த, எப்போதும் உள்ள, எல்லாவற்றுக்கும் அப்பாற்பட்ட, எல்லாவற்றிலும் நிறைந்த சர்வ வல்லமை கொண்ட பரம்பொருள், பல்வேறு வடிவங்களாக வெளிப்படுகிறது என்று சொல்கிறதாம்!

1 aalim9 5
மனிதர்களின் சராசரி அறிவுக்கும் புலனுக்கும் புரிவதற்காக வெவ்வேறு வடிவங்களில் வெளிப்பட்டாலும் பரம்பொருள் ஒன்றே என்பது இந்து மதத்தின் ஆழ்ந்த நம்பிக்கையாகும். (பிரிட்டானிகா தகவல் களஞ்சியம்)
ஆக, ஒற்றைக் கடவுள் கொள்கையை – தவ்ஹீதை - ஏதோ ஒரு வகையில் ஒப்புக்கொள்ளும் இச்சமயத்தார், சுற்றிவளைத்து அந்த ஏகனுக்கு இணைகளாக – நிகர்களாகப் பல படைப்புகளை நம்புகின்றனர். படைப்பாளன் ஒதுபோதும் படைப்பாக இருக்க முடியாது; படைப்பின் வடிவத்தையும் பெற முடியாது. அவனுக்கு நிகராக எந்தவொன்றும் இல்லை -என்பதில் இஸ்லாம் உறுதியாக இருக்கிறது.
இதனாலேயே, திருக்குர்ஆன்மீது நம்பிக்கை கொண்டுள்ள முஸ்லிம்கள், ஏக இறைவனைத் தவிர வேறு யாரையும் கடவுள் என்றோ, கடவுளின் மறுபிறவி என்றோ, கடவுளைப் போன்றவர் என்றோ ஒருகாலும் சொல்லமாட்டார்கள்.
அவர் இறைத்தூதராகவோ பெரிய மகானாகவோ இருக்கட்டும்! ராஜாதிராஜனாகவோ இருக்கட்டும்! பெற்ற தாயாக, சொல்லிக்கொடுத்த குருவாக, வேலை கொடுத்து அரவணைத்த முதலாளியாக, யாராகவும் இருக்கட்டும்! யாருமே கடவுளுக்கு நிகரானோர் அல்லர்; நிகரானோர் என எண்ணுவதுகூட ‘ஷிர்க்’ எனும் இணை கற்பித்தல் ஆகிவிடும் – என்பதில் அசைக்க முடியாத நம்பிக்கை கொண்டவர்களே முஸ்லிம்கள் ஆவர்.
                                                                                                                                                                                                         (சந்திப்போம்)...........

ஞாயிற்றுக்கிழமை, 25 மார்ச் 2018 13:50

இளம் ஆலிம்களே! உங்களைத்தான்! 10

Written by

நவீனப் பிரச்சினைகளுக்குத் தீர்வு
அருமை மாணாக்கர்களே! ஃபிக்ஹ் எனும் ஷரீஆ சட்டக் கலையில் புதுப்புதுப் பிரச்சினைகளுக்கும் தீர்வு உண்டு. ஆனால், பிரச்சினை என்ன என்பதை மிகச் சரியாக அறிந்து, அதற்கான விடை எங்கே, எதில் இருக்கிறது என்பதை நுணுகி ஆராய்ந்து, சரியான தீர்வைக் கண்டுபிடிப்பது மார்க்க

தோன்றின் எடுப்போடு தோன்றுக!
மக்கள் மனங்களில் தாக்கத்தை ஏற்படுத்தி அவர்களின் பிரியத்தை பெறுவதற்கான வழிமுறைகளை இத்தொடரில் பார்த்து வருகிறோம்.
முந்தைய தொடர்களில் புன்னகை, அன்பளிப்பு வழங்குதல், பிறர் பேசுவதை கவனத்துடன்

ஞாயிற்றுக்கிழமை, 25 மார்ச் 2018 13:27

மண்ணின் வரலாறு - 12 -கலங்கள் நிறைந்த கடலூர்

Written by

சில ஊர்களுக்கு ஒன்றுக்கு மேற்பட்ட பெயர்கள் இருக்கும். பல ஊர்களைக் கொண்ட பகுதியாக இருந்தாலும் கடலூர் தமிழில் கடலூராகவும் ஆங்கிலத்தில் கூடலூராகவும் காட்சி தரும்.
கடலின் தரையில் இருப்பதால் கடலூர். எப்படி வந்தது

செவ்வாய்க்கிழமை, 20 மார்ச் 2018 16:27

முதல் தலைமுறை மனிதர்கள் 12

Written by

சுதந்திரப் போராட்ட வீரர் வேலூர் .                                              V.M. உபயதுல்லா சாகிப்
இந்திய அரசியல் சீர்திருத்தம் குறித்து ஆராய்ந்து அறிக்கை கொடுப்பதற்காக 1927 ஆம் ஆண்டு இங்கிலாந்து அரசு ஸைமன் என்ற ஆங்கில அதிகாரி தலைமையில் குழு ஒன்றை நியமித்தது ஆனால் இந்தக் குழுவில் ஒரு இந்தியர் கூட இடம்பெறவில்லை. இது சம்பந்தமாக காங்கிரஸ் கட்சி

திங்கட்கிழமை, 19 மார்ச் 2018 14:05

வீதிக்கு வந்த நீதிபதிகள்!

Written by

உச்சநீதிமன்ற நீதிபதிகள் குரியன் ஜோசப், ஜஸ்தி செல்லமேஸ்வர், ரஞ்சன் கோகாய், மதன் பி.லோகுர் ஆகிய நான்கு பேர் ஜனவரி 12 ஆம் நாள் (2018), எதிர்பாராத திருப்பமாக நீதிபதி செல்லமேஸ்வரர் வீட்டில் ஊடகங்களைச் சந்தித்து உச்சநீதிமன்றத்தின் போக்குகள் எதுவும் சரியில்லை, தலைமை நீதிபதி தீபக் மிஸ்ரா வழக்குகளை பாரபட்சமாக ஒதுக்குகிறார் என்று அதிரடியான குற்றச்சாட்டுகளை கூறினார்கள். அதன் பின்னர், வாராந்திர விடுமுறை கழிந்து ஜனவரி 15 ஆம் நாள், அன்று காலை வேளையில் உச்சநீதிமன்றப் பணிகள் தொடங்கும் முன்னர் நீதிபதிகள் வழக்கம் போல் தேனீர் பருக கூறினார்கள். ஒருவரை ஒருவர் அக்கறையாக விசாரித்து கொண்டாலும் நீதிமன்ற வளாகத்தில் அவர்கள் நடந்து சென்ற வேளைகளில் ஒரு சஞ்சலத்தை காண முடிந்தது.

நீதிபதி அருண் குமார் மிஸ்ரா முதலில் வாய் திறந்தார். நான் பல ஆண்டுகளாக சம்பாதித்துக் கொண்ட கௌரவத்தை நான்கு நீதிபதிகளும் சீர்குலைத்து விட்டார்கள் என்றார். உச்சநீதிமன்றத்தில் இருக்கும் கைக்குள் அடங்கும் இளம் நீதிபதிகள் கொண்ட அமர்வுகளுக்கு அரசியல் முக்கியத்துவம் கொண்ட வழக்குகளை தலைமை நீதிபதி ஒதுக்குவதாக நான்கு நீதிபதிகளும் குற்றம் சாட்டினார்கள். நீதிபதி அருண் குமார் மிஸ்ரா அமர்வுக்கு போகும் வழக்குகளைப் பற்றித் தான் நான்கு நீதிபதிகளும் கூறுகிறார்களோ என்ற சந்தேகம் நீதிபதிகளின் செய்தியாளர்கள் சந்திப்புக்குப் பிறகு சந்தேகம் எழுந்தது. எனது புகழுக்கு களங்கம் உண்டாக்கியதற்கு பதில் என்னை தோட்டாக்களால் கொலை செய்திருக்கலாம் என்று வெளிப்படையாகவே கூறினார் அருண் குமார் மிஸ்ரா.

செல்லமேஸ்வர் உள்ளிட்ட நீதிபதிகள் சில காட்டமான கேள்விகளை எதிர்கொண்டனர். செய்தியாளர்களை சந்தித்தற்குப் பதிலாக மற்ற நீதிபதிகளிடம் நம்பிக்கை வைத்து கலந்து பேசியிருக்க வேண்டும். முரண்பாடுகளை நீதிபதிகள் மத்தியில் பேசியிருக்கலாம், இளம் நீதிபதிகளின் நேர்மையும், திறமையையும் குறைவாக மதிப்பிடப்பட்டு இருக்கிறது. அனைத்து நீதிபதிகளையும் அழைத்து பிரச்சனைகளை விவாதிக்க அவர்கள் அழுத்தம் கொடுத்து இருக்க வேண்டும் என்று ஒரு இளம் நீதிபதி கூறினார். கோபத்தில் இருந்த சில இளம் நீதிபதிகள் நான்கு மூத்த நீதிபதிகளுடன் கை குழுக்காமல் தேநீர் விடுதியை நோக்கி நகர்ந்தனர்.

உச்சநீதிமன்றம் மற்றும் மாநிலங்களின் உயர்நீதிமன்றங்களுக்கு நீதிபதிகளை பரிந்துரை செய்யும் கொலிஜியம் அமைப்பில் தலைமை நீதிபதி தீபக் மிஸ்ரா மற்றும் குரியன் ஜோசப், ஜஸ்தி செல்லமேஸ்வர், ரஞ்சன் கோகாய், மதன். பி.லோகூர் ஆகிய நீதிபதிகள் உள்ளனர். ஜனவரி 12 அன்று செய்தியாளர்களை சந்திக்கும் முன்னர் தலைமை நீதிபதி தீபக் மிஸ்ராவை நான்கு நீதிபதிகளும் சந்தித்து நீதிபதி பி.எச்.லோயா மர்ம மரணம் தொடர்பான வழக்கை ஒதுக்கித் தரும்படி கேட்டிருக்கிறார்கள். நீதிபதி லோயா இருதய அடைப்பு காரணமாக இறந்தார் என்று முதலில் கூறப்பட்டது. அவரது மருத்துவ சகோதரி தனது அண்ணன் மரணத்தில் மர்மம் இருப்பதாக சந்தேகம் எழுப்பினார். குஜராத்தில் போலி எண்கவுண்டரில் கொலை செய்யப்பட்ட வழக்கை முதலில் நீதிபதி லோயா தான் விசாரித்தார்.

11 - veeethikku 3

பாஜக தேசிய தலைவர் அமித் ஷா சம்பந்தப்பட்ட இந்த வழக்கில் லோயாவை பேரம் பேசியதாகவும் அவர் அதற்கு இணங்க மறுத்தார் என்றும் நீதிபதி லோயா குடும்பத்தினர் கூறினார்கள். மரணத்துக்கு பிறகு நடந்த உடல் பரிசோதனையில் லோயா கழுத்தில் ஒரு வெட்டுக் காயம் காணப்பட்டதை வைத்து அவரது சகோதரி சந்தேகம் கிளப்பினார். லோயா மரணம் சம்பந்தமான வழக்கு நீதிபதி அருண் மிஸ்ரா அமர்வுக்கு கொடுக்கப்பட்டது. அருண் மிஸ்ரா இளம் நீதிபதி. தலைமை நீதிபதியை சந்தித்த நான்கு நீதிபதிகளும் நீதிபதி லோயா மரணம் அரசியல் பின்னணி உடையது என்பதால் ஒரு மூத்த நீதிபதி தான் இதனை விசாரிக்க வேண்டும் என்று கூறினார்கள்.

தலைமை நீதிபதி தீபக் மிஸ்ரா தனது முடிவில் உறுதியாக நின்றார். இதனால், கோபம் கொண்ட நீதிபதிகள் நான்கு பேரும் எங்களுக்கு சரியெனப்படுவதை செய்யப் போகிறோம் என்று சொல்லி விட்டு வந்து தான் செய்தியாளர்கள் சந்திப்பை நடத்தி இருக்கிறார்கள். நான்கு நீதிபதிகளும் செல்லமேஸ்வர் வீட்டு பசுமை வளாகத்துக்கு (Lawns) வருவதற்கு முன்பே ஏதோ விரும்பத் தகாத ஒன்று நடக்கப் போவதாக நீதிபதி லோக்கூரது கோர்ட் அறையில் இருந்தவர்கள் உணர்ந்து கொண்டனராம். எதையும் பரபரத்து செய்யும் வழக்கம் இல்லாத நீதிபதி லோக்கூர் அன்று காலை, அவரது வேலைகளை முடிப்பதில் வழக்கத்துக்கு மாறான சுறுசுறுப்பை காட்டியிருக்கிறார். வேலைகளை முடித்த உடனேயே அவசரமாக கிளம்பி மற்ற மூன்று நீதிபதிகளுடன் சேர்ந்து செல்லமேஸ்வர் வீட்டுக்கு போய் இருக்கிறார். மைக்குகள் வரும் முன்பே செய்தியாளர்களைச் சந்திக்க போடப்பட்ட இருக்கையில் போய் அமர்ந்தார்.

முதலில் ஜஸ்தி செல்லமேஸ்வர் தான் பேச தொடங்கினார்.” உச்சநீதிமன்றத்தில நடக்கும் விவகாரங்கள் ஜனநாயகத்துக்கு பேரழிவை தந்திருப்பதால் ஊடகத்தை சந்திக்கும் நிலைக்கு தள்ளப்பட்டு இருக்கிறோம். தலைமை நீதிபதி மிஸ்ராவுக்கு இரண்டு மாதங்கள் முன்னர் எழுதிய கடித்திலும் கூட நாங்கள் இதனை சுட்டிக் காட்டினோம். நாட்டுக்கும் நீதிமன்றத்தின் மாண்புக்கும் பாரதூரமான விளைவுகளை (far-reaching consequences) உண்டாக்கக் கூடிய வழக்குகளை தலைமை நீதிபதி மிஸ்ரா ஆள் பார்த்து (selectively) வழங்குவதை சுட்டியும் அந்த வழக்குகளை எங்கள் அமர்வுக்கு வழங்க வேண்டும் என்றும் அந்தக் கடிதத்தில் குறிப்பிட்டு இருந்தோம்” என்று கூறினார்.

உச்சநீதிமன்றத்தின் அடுத்த தலைமை நீதிபதியாக வர உள்ளவர் மதன் பி.லோகூர். இவர் உள்பட இதர மூன்று நீதிபதிகளும் நீதிமன்ற நடைமுறைகளை உடைத்து செய்தியாளர்களை சந்திக்கிறார்கள் என்றால் சூழ்நிலை அவ்வளவு அபாயமானது. நீதித்துறையின் ஆக மூத்த நீதிபதிகளே நீதித்துறையின் நம்பகம் குறித்த சந்தேகத்தை கிளப்பி இருக்கின்றார்கள். பிரச்சனை எதுவாக இருப்பினும், நீதிமன்றத்தின் செயல்பாடுகளில் நிர்வாகம் தலையிடுவது தான் இதில் மையப் பிரச்சனையாக இருக்கிறது. அரசியல் தொடர்புடைய வழக்குகளில் அரசாங்கத்தை திருப்திபடுத்த சொன்னதை செய்யும் அமர்வுகளுக்கு (handpicked benches) வழக்குகள் ஒதுக்கப்படுகிறதா என்ற கேள்வி இப்போது எழுகிறது.

“எந்தெந்த வழக்கை யார் யார் விசாரிக்க வேண்டும் என்று தன்னிச்சையாக முடிவுகள் எடுக்கப்படுகிதோ என்ற சந்தேகம் உச்சநீதிமன்றத்துக்கு உள்ளேயே எழுந்திருக்கிறது என்று உள்ளே இருப்பவர்களே கூறுகிறார்கள். நீதிபதிகள் செய்தியாளர்களை சந்திக்காமல் இருந்தாலும், கடந்த சமீப காலங்களில், நீதிமன்ற நடப்புகளில் சில முரண்பாடுகள் இருப்பதாக மக்கள் உணரத் தொடங்கி விட்டனர். நீதிபதிகளின் செய்தியாளர்கள் சந்திப்பை பெரும்பாலான மக்கள் ஆச்சரியமாகப் பார்க்கவில்லை. முக்கியமான வழக்குகள் மூத்த நீதிபதிகள் அமர்வுக்குப் போவதில்லை என்பதை நாங்களே பார்த்து கொண்டு தான் இருக்கிறோம். சமூக நீதி சம்பந்தப்பட்ட பொது நல வழக்குகள் பொதுவாக நீதிபதி மதன் பி.லோகூருக்கு தான் போக வேண்டும். அவர் தான் அதில் சிறப்பானவர். ஆனால், அந்த வழக்குகள் அவருக்கு ஒதுக்கப்படுவதில்லை” என்கிறார் மூத்த வழக்கறிஞர் ஒருவர்.

சொன்னதைச் செய்யும் நீதிபதிகள் உள்ள அமர்வுக்கு வழக்குகளை அனுப்புவதில் தலைமை நீதிபதி எப்படி தன்னிச்சையாக தனது அதிகாரத்தை பயன்படுத்துகிறார் என்பதை இந்த பிரச்சனை சுட்டிக் காட்டுகிறது. தலைமை நீதிபதி அரசியல் சம்பந்தமுடைய சிக்கலான வழக்குகளை தானே முடிவு செய்து அனுப்புகிறார் என்கிறார் மூத்த வழக்கறிஞர் பிரசாந்த் பூசன்.

நான்கு நீதிபதிகளும் தலைமை நீதிபதிக்கு எழுதிய கடிதத்தில், “MoP எனப்படும் செயல்முறை குறிப்பானை (Memorandum of Procedure) தொடர்பாக மத்திய அரசை எதிர்த்து ஆர்.பி.லுத்ரா (R.P.Luthra) போட்ட வழக்கில் நீதிபதிகள் நியமனம் செய்யப்பட்டது குறித்தும் குறிப்பிட்டு இருக்கிறார்கள். இந்த வழக்கை விசாரித்த இரண்டு நீதிபதிகள் கொண்ட அமர்வு 2017 அக்டோபரில், செயல்முறை குறிப்பாணையை மேலும் தாமதப்படுத்தாமல் முடிவு செய்ய வேண்டும் என்று கூறினார்கள். உச்சநீதிமன்றத்தின் அரசியல் சாசன அமர்வின் கீழ் இந்த வழக்கு விசாரித்து முடிவெடுக்க வேண்டியது இருக்க இந்த வழக்கை வேறு ஒரு அமர்வு எப்படி விசாரிக்க முடியும் என்பது புரியவில்லை என்றும் அந்த கடிதத்தில் குறிப்பிட்டு இருக்கிறார்கள். நீதிபதிகள் நியமனம் தொடர்பில் இது அரசுக்கு பெரிய பங்களிப்பை வழங்கிவிடும் என்று நீதிபதிகள் வெளிப்படையாகவே அச்சப்பட்டுள்ளனர்.

பிற முக்கியமான வழக்குகளில் ஒன்று ஆதார் சம்பந்தமானது. தனி மனிதனின் அந்தரங்கம் அடிப்படை உரிமையா என்பதை முடிவு செய்ய 9 நீதிபதிகள் கொண்டு அமைக்கப்பட்ட ஒரு அரசியல் சாசன அமர்வுக்கு ஆதார் வழக்கு பரிந்துரை செய்யப்பட்ட போது, அதில் நீதிபதி ஜஸ்தி செல்லமேஸ்வரும் இடம் பெற்றிருந்தார். அந்தரங்கம் தனிமனிதன் உரிமை தான் என்று 2017 அக்டோபரில் இந்த அமர்வு கூறியது. அதன் பின்னர் ஆதார் சம்பந்தமாக 5 நீதிபதிகள்கொண்ட அமர்வை அமைத்த போது அந்த அமர்வில் செல்லமேஸ்வரை தலைமை நீதிபதி சேர்க்கவில்லை.

சி.பி.ஐ.க்கு சிறப்பு இயக்குனராக ஐ.பி.எஸ்.அதிகாரி ராகேஷ் அஸ்தனாவை நியமனம் செய்வது தொடர்பான ஒரு வழக்கு நீதிபதிகள் ரஞ்சன் கோகாய் மற்றும் நவீன் சின்கா அமர்வுக்கு கொடுக்கப்பட்டது. ஆனால், சின்கா இந்த வழக்கை விசாரிப்பதில் இருந்து பின் வாங்கினார். அதன் பிறகு நீதிபதி ஆர்.கே.அகர்வால் தலைமையிலான அமர்வுக்கு அந்த வழக்கை அனுப்ப முடிவு செய்யப்பட்டது. இருப்பினும், அந்த வழக்கு, அதே நளில், ரஞ்சன் கோகாய், ஆர்.எஃப்.நாரிமண், சஞ்செய் கிஷான் கவுல் இருந்த அமர்வுக்கு கொடுக்க முடிவு செய்யப்பட்டது.

மற்றுமொன்று உச்சநீதிமன்ற நேரடி கண்காணிப்பின் கீழ் நடந்து வந்த 2ஜி அலைக்கற்றை ஊழல் வழக்கு சம்பந்தமான பொதுநல வழக்கு அருண் மிஸ்ரா அமர்வுக்கு கொடுக்கப்பட்டது தொடர்பானது. இந்த வழக்கு முதலில் செல்லமேஸ்வர் அமர்வுக்கு கொடுக்கப்பட்டது. அடுத்த நாளே, தலைமை நீதிபதி அமர்வுக்கு மாற்றப்பட்டது. தலைமை நீதிபதி மிஸ்ரா, தில்லி உயர்நீதிமன்றத்தில் இருந்த போது இந்த வழக்கின் மூல வழக்கை விசாரித்ததாகக் கூறி, விலகிக் கொண்டாலும், மிஸ்ராவின் 10 ம் எண் கோர்ட்டில் தான் இப்போதும் இந்த வழக்கு இருக்கிறது. சத்தீஷ்கரில் சட்டவிரோதமாக நடந்த கொலை தொடர்பாக நீதிபதி லோக்கூர் விசாரித்து கொண்டிருந்த வழக்கு இப்போது மிஸ்ரா அமர்வுக்கு நகர்த்தப்பட்டு இருக்கிறது.

வழக்குகள் பாரபட்சமாக பட்டியலிடப்படுவதை கவனித்து கொண்டு வந்தவர்கள், 2017 நவம்பரில் இந்த பிரச்சனை வெடிக்க ஆரம்பித்தது என்கிறார்கள். மருத்துவக் கல்லூரிகளுக்கு அனுமதி வழங்கியதில் லஞ்சம் பெற்றது தொடர்பில் வந்த வழக்கை விசாரிக்க 5 நீதிபதிகள் கொண்ட அமர்வை நீதிபதி செல்லமேஸ்வர் அமைத்தார். இதில், அதிருப்தி அடைந்த தலைமை நீதிபதி மிஸ்ரா செல்லமேஸ்வர் அமைத்த 5 நீதிபதிகள் அமர்வை கலைத்து விட்டு, 3 நீதிபதிகள் கொண்டு ஒரு அமர்வை உருவாக்கி அங்கு இந்த வழக்கை அனுப்பி வைத்து இருக்கிறார். எந்த அமர்வுக்கும் பட்டியலிடப்படாத வழக்குகள் தலைமை நீதிபதி தலைமையில் அமைக்கப்படும் அமர்வு மட்டுமே விசாரிக்க வேண்டும் என்று ஒரு சுற்றறிக்கையும் கூட வழங்கப்பட்டு இருக்கிறது. இதில், நான்கு நீதிபதிகள் இறுதியாக குற்றச்சாட்டு வைப்பது நீதிபதி லோயா மர்மமாக இறந்தது தொடர்பான வழக்கு. லோயா இவர்களின் தோழமை நீதிபதி ஆவார்.
தொடரும்.........

புதன்கிழமை, 21 பிப்ரவரி 2018 13:33

இளம் ஆலிம்களே உங்களைத்தான்-9 சட்டக் கலை!

Written by

அன்பு மாணவர்களே! குர்ஆன் மற்றும் ஹதீஸிற்கு அடுத்ததாக நாம் கற்க வேண்டியது, இஸ்லாமிய ஷரீஆ சட்டங்களாகும். இந்தச் சட்டக் கலையையே வழக்கில் ‘ஃபிக்ஹ்’ என்கிறோம்.
‘ஃபிக்ஹ்’ எனும் சொல்லுக்கு அறிவு, ஞானம், விளக்கம் என்பதெல்லாம் சொற்பொருள்களாகும். இஸ்லாமியர் வழக்கில் ‘ஃபிக்ஹ்’ என்பது, ஷரீஆவின் தெளிவான ஆதாரங்களிலிருந்து கண்டறியப்பட்ட செயல்பூர்வமான பிரிவுச் சட்டங்களைக் குறிக்கும். செய்தல், விடுதல், விருப்பம் ஆகிய மூன்று நிலைகளில் இச்சட்டங்கள் அமையும். தொழுகை, கட்டாயம் செய்ய வேண்டியது; மோசடி, கட்டாயம் கைவிட வேண்டியது; சாப்பிடுதல், விருப்பத்தின்பால் பட்டது.
இறைமறை, நபிமொழி, நபித்தோழர்களின் வழிகாட்டல் முதலான அடிப்படைகளிலிருந்து ஆய்வு செய்து அறிஞர்களால் கண்டறியப்படும் செயல்பூர்வமான ஷரீஆ சட்டங்களே ஃபிக்ஹ் சட்டங்களாகும். நம்பிக்கை சார்ந்த கோட்பாடுகள், பண்பாடு சம்பந்தப்பட்ட விதிகள், புலன் அல்லது அறிவுசார்ந்த முடிவுகள் ஆகியன ‘இல்முல் ஃபிக்ஹ்’ (சட்டக் கலை) என்பதில் அடங்கா.
தொழுகை, நோன்பு, ஸகாத், ஹஜ் முதலான வழிபாடுகள், வணிகம், வேளாண்மை, அலுவலகப் பணிகள் முதலான தொழில் துறைகள், சிவில் மற்றும் கிரிமினல் குற்றங்கள், அவற்றுக்கான தண்டனைகள், அங்கத் தூய்மை, குளியல், தயம்மும் முதலான தூய்மை முறைகள், கடன், அன்பளிப்பு, மரண சாசணம், வாரிசுரிமை முதலான சொத்துப் பரிமாற்றங்கள், திருமணம், மணவிலக்கு, குழந்தை பராமரிப்பு, குடும்ப நிதி நிர்வாகம் முதலான இல்லறம் தொடர்பானவை, இன்னும் இவை போன்ற செயல் சட்டங்கள் அனைத்தும் ஃபிக்ஹ் என்பதில் அடங்கும்.
தனிக் கலை தேவையா?
மூலாதாரங்களான குர்ஆனும் ஹதீஸும் சான்றோர் கருத்துகளான ஆஸாரும் இருக்கையில் சட்டக் கலை (ஃபிக்ஹ்) என்றொரு கலை தேவையா? என்று நீங்கள் எண்ணலாம்! இதற்கு இரண்டு விதமான விளக்கங்கள் கூறலாம்.
1. குர்ஆனையும் ஹதீஸையும் முழுமையாகப் படித்தறிந்து, அவை சொல்லவரும் மார்க்கச் சட்டங்களைப் பிழையின்றி கண்டறிந்து, முறையாகச் செயல்பாட்டுக்குக் கொண்டுவருவதென்பது, அனைத்து மக்களாலும் சாத்தியம் எனச் சொல்ல முடியாது. நான் தொழ வேண்டும்; தொழுகை முறை என்ன? சொல்லுங்கள் - என்றே சாமானியர் கேட்பர். அவருக்குத் தொழுகை முறையை - அவர் புரிந்துகொள்கின்ற வகையில் - எளிதாக விளக்கிச் சொல்லியாக வேண்டும்! அல்லது செய்து காட்ட வேண்டும்.
அத்தோடு அவர் நிறுத்தமாட்டார். தொழுகையில் இப்படிச் செய்துவிட்டால், அல்லது இப்படிச் செய்யாவிட்டால் தொழுகை நிறைவேறுமா? அல்லது திரும்பத் தொழ வேண்டுமா? என்று கேட்பார். அங்கத் தூய்மை (உளூ) செய்ய மறந்துவிட்டேன்; அல்லது முகத்தை ஒரு தடவைதான் கழுவினேன்; இரு கால்களில் ஒரு காலைக் கழுவாமல் தொழுதுவிட்டேன்; சாக்ஸ் மீது நீரால் தடவினால் (மஸ்ஹ் செய்தால்) செல்லுமா?... இப்படி அடுக்கடுக்கான கேள்விகள் அவருக்குத் தோன்றும். இவற்றுக்கெல்லாம் ஓரிரு வரிகளில் விடை சொல்லி, அவர் ஐயத்தை அகற்ற வேண்டும். அல்லது நீயே குர்ஆனிலோ ஹதீஸிலோ தேடிக்கொள் என்று கைவிரிக்க வேண்டும்.
இதற்கெல்லாம் ஒரு சட்டத் தொகுப்பு இருக்குமானால், சுலபமாக அவரே விடை காண முடியும்; அல்லது அதைப் படித்தறிந்தவர்கள் விடை சொல்ல முடியும். செல்லும் - செல்லாது; சரி - தவறு; திரும்பத் தொழு - திரும்பத் தொழ வேண்டியதில்லை என்ற வகையில் விடை எளிதாக இருந்தால் மட்டுமே நடைமுறைக்கு ஏற்றதாக அமையும். ஆதாரங்களையும் அதன் நுட்பங்களையும் அறிஞர்கள் மட்டத்தில் பேசலாமே தவிர, அவரைப் பொறுத்தவரை அது கூடுதல் என்பார்.
மூலாதாரமே குர்ஆன் - ஹதீஸ்தான்
‘ஃபிக்ஹ்’ (ஷரீஆ சட்டம்) என்பது, இறைவேதத்திலிருந்தும் நபிமொழிகள் மற்றும் நபித்தோழர்களின் விளக்கங்களிலிருந்தும் ‘இமாம்’கள் எனப்படும் பேரறிஞர்களால் அவதானிக்கப்பட்ட சட்டங்கள்தான். இதையே, மார்க்கச் சட்டத்தின் மூலாதாரங்கள் நான்கு என்பர்.
குர்ஆன், ஹதீஸ், இஜ்மாஉ, கியாஸ் ஆகியவையே அந்த நான்கும்.
எடுத்துக்காட்டாக, முதல்தர வழிபாடான தொழுகையையே எடுத்துக்கொள்வோம். இறைமறையாம் திருக்குர்ஆனில், “தொழுகையைக் கடைப்பிடியுங்கள்” (அகீமுஸ் ஸலா) என்ற கட்டளை உண்டு. நாளொன்றுக்கு ஐவேளை தொழ வேண்டும் என்ற குறிப்பும் பூடகமாக உண்டு.
ஆனால், ஒவ்வொரு நேரத்திற்கும் எத்தனை ‘ரக்அத்’கள்? தொழுகையின் செய்முறை என்ன? ஐவேளையின் சரியான நேரங்கள் என்ன? ஒவ்வொரு நேரத்தின் தொடக்கமும் முடிவும் யாது? கூட்டுத் தொழுகையில் எப்படி நடந்துகொள்ள வேண்டும்? மறதிக்குப் பரிகாரம் என்ன?... இப்படி எல்லாவற்றுக்குமான வழிகாட்டல் நபிமொழிகளில்தான் உண்டு. அவற்றை நபிகளாரிடமிருந்து கற்ற நபித்தோழர்களின் விளக்கம் ‘ஆஸார்’களில் உண்டு.
இவ்வாறு எல்லாவற்றையும் சீர்தூக்கிப் பார்த்து, அறிஞர் பெருமக்களால் அலசி ஆராயப்பட்டு, வரைமுறைப்படுத்தப்பட்ட தொகுப்புதான் ஷரீஆ சட்டங்கள் எனும் ‘ஃபிக்ஹ்’ கலையாகும். இமாம்களின் சொந்தக் கருத்தோ சுய கண்டுபிடிப்போ அல்ல. ஆகவே, ஷரீஆ சட்டங்கள் என்பது, இறைவேதத்திலிருந்தும் நபிவழியிலிருந்தும் வந்தவைதான்.
இருவேறு ஆதாரங்கள்
2. ‘ஃபிக்ஹ்’ தேவையா என்பதற்கு இது இரண்டாவது விளக்கம். மூலாதாரமான நபிமொழிகளில், வெவ்வேறு கருத்துகளைக் கொண்ட இருவேறு நபிமொழிகள் காணப்படுவதுண்டு. அறிவிப்பாளர் தொடரைப் பொறுத்தவரையில், இரு ஹதீஸ்களுமே ஏற்கத் தக்கவைதான். இரண்டில் எதை நாம் பின்பற்ற வேண்டும்? எதைக் கைவிட வேண்டும்? அல்லது செயல்படுத்துவதற்கு இரண்டையுமே எடுத்துக்கொள்வதா? அல்லது இரண்டில் ஒவ்வொன்றும் வெவ்வேறு சந்தர்ப்ப சூழ்நிலைகளுக்குப் பொருந்தக்கூடியது என்று முடிவு செய்வதா? இதையெல்லாம் யார் தீர்மானிப்பது?
1) அங்கத் தூய்மை செய்துவிட்ட ஒருவர், சமைக்கப்பட்ட பொருளை உட்கொண்டுவிட்டால், அவர் திரும்பவும் அங்கத் தூய்மை செய்ய வேண்டுமா? வேண்டியதில்லையா? இது தொடர்பாக இரு விதமான நபிமொழிகள் ஜாமிஉத் திர்மிதியில் பதிவாகியுள்ளன.
அ) “நெருப்பு தீண்டிய (சமைத்த) பொருளை உண்டபின் (புதிதாக) அங்கத் தூய்மை செய்ய வேண்டும்; அது பாலாடைக் கட்டியாக இருந்தாலும் சரி!” என்று அல்லாஹ்வின் தூதர் (ஸல்) அவர்கள் கூறினார்கள் என அபூஹுரைரா (ரலி) அவர்கள் அறிவித்தார்கள். (ஜாமிஉத் திர்மிதீ தமிழாக்கம், ஹதீஸ்-74. இது ‘ஹசன்’ தரத்தில் அமைந்த ஹதீஸாகும்.)
ஆ) “அல்லாஹ்வின் தூதர் (ஸல்) அவர்கள் லுஹ்ர் தொழுகைக்காக அங்கத் தூய்மை செய்து தொழுது முடித்தார்கள். அதன்பின் ஒரு பெண் இறைச்சி கொண்டுவந்து கொடுத்தார். அதைச் சாப்பிட்டார்கள். பிறகு அஸ்ர் தொழுகையை முடித்தார்கள். (புதிதாக) உளூ செய்யவில்லை” என்று ஜாபிர் (ரலி) அவர்கள் கூறினார்கள். (ஜாமிஉத் திர்மிதீ தமிழாக்கம், ஹதீஸ்-75. இது, ‘ஹசன் ஸஹீஹ்’ தரத்தில் அமைந்த ஹதீஸாகும்.)
முதல் ஹதீஸ், சமைத்த பொருளைச் சாப்பிட்டவர், மறுபடியும் ‘உளூ’ செய்ய வேண்டும் என்கிறது. நபித்தோழர்களில் இப்னு உமர், அனஸ் பின் மாலிக், ஆயிஷா, ஸைத் பின் ஸாபித், அபூஹுரைரா (ரலி) முதலானோர் இக்கருத்தையே கொண்டுள்ளனர். இமாம்களில் அபூகிலாபா, யஹ்யா பின் யஅமுர், ஹசன் அல்பஸ்ரி, ஸுஹ்ரீ (ரஹ்) முதலானோரும் இதையே ஏற்றுள்ளனர்.
இரண்டாவது ஹதீஸ், சமைத்த பொருளை உட்கொண்டவர் திரும்பவும் அங்கத் தூய்மை செய்ய வேண்டியதில்லை; ஏற்கெனவே செய்த உளூவே போதும்; தொழலாம் என்று கூறுகிறது.
நபித்தோழர்களில் நாற்பெரும் கலீஃபாக்கள், இப்னு மஸ்ஊத், இப்னு அப்பாஸ், ஜாபிர் (ரலி) முதலானோர் இக்கருத்தையே கொண்டுள்ளனர். அது மட்டுமன்றி, நாற்பெரும் இமாம்கள், இப்னுல் முபாரக் சுஃப்யான் அஸ்ஸவ்ரீ, காசிம் பின் முஹம்மத் (ரஹ்) முதலானோரும் இக்கருத்தையே ஏற்கின்றனர்.
முதலாவது ஹதீஸ் பழைய சட்டமாகும்; இரண்டாவது ஹதீஸே புதிய சட்டமாகும். எனவே, முந்தையது காலாவதியாகிவிட்டது. வேண்டுமானால், சமைத்ததைச் சாப்பிட்டவர், வாய் கொப்புளித்துவிட்டுத் தொழுவது நல்லது - என்று இவர்கள் விளக்கமளிக்கின்றனர். (துஹ்ஃபத்துல் அஹ்வதீ, அல்மின்ஹாஜ்)
2) வித்ர் தொழுகையில் ‘குனூத்’ எனும் சிறப்பு துஆ ஆண்டு முழுவதும் ஓத வேண்டுமா? என்றொரு விவாதம் உண்டு.
அ) ஹசன் பின் அலீ (ரலி) அவர்கள் கூறியதாவது : நான் வித்ர் தொழுகையில் ஓதுவதற்காக அல்லாஹ்வின் தூதர் (ஸல்) அவர்கள் ‘அல்லாஹும்மஹ்தினீ’ எனும் துஆவை எனக்குக் கற்றுக் கொடுத்தார்கள். (ஜாமிஉத் திர்மிதீ தமிழாக்கம், ஹதீஸ்-426. இது, ‘ஹசன்’ தரத்தில் அமைந்த ஹதீஸாகும்.)
அப்துல்லாஹ் பின் மஸ்ஊத் (ரலி) அவர்கள், ஆண்டு முழுவதும் வித்ரில் ‘குனூத்’ ஓத வேண்டும்; அதையும் ‘ருகூஉ’வுக்கு முன்னால் ஓத வேண்டும் என்பார்கள். இதுவே, சுஃப்யான் அஸ்ஸவ்ரீ, இப்னுல் முபாரக் (ரஹ்), ஹனஃபிய்யாக்கள் ஆகியோரின் கருத்தாகும்.
ஆ) அலீ பின் அபீதாலிப் (ரலி) அவர்கள், ரமளான் மாதத்தின் பிந்தைய 15 நாட்களில் தவிர வேறு நாட்களில் குனூத் ஓதமாட்டார்கள். அதையும் ருகூவிற்குப் பின்பே ஓதிவந்தார்கள். இதே நடைமுறையை இமாம் ஷாஃபிஈ, இமாம் அஹ்மத் (ரஹ்) ஆகியோர் கொண்டிருந்தனர். (ஜாமிஉத் திர்மிதீ)
3) தொழுகையில் ‘ருகூஉ’விற்குச் செல்லும்போது இரு கைகளை உயர்த்த வேண்டுமா? என்றொரு விவாதம் உண்டு.
அ) “அல்லாஹ்வின் தூதர் (ஸல்) அவர்கள் ‘ருகூஉ’ செய்யும்போதும் ‘ருகூஉ’விலிருந்து தலையை உயர்த்தும்போதும் தம் இரு கைகளையும் தோள்களுக்கு நேராக உயர்த்துவார்கள்” என்று அப்துல்லாஹ் பின் உமர் (ரலி) அவர்கள் கூறினார்கள். (ஜாமிஉத் திர்மிதீ தமிழாக்கம், ஹதீஸ்-237. இது ‘ஹசன் ஸஹீஹ்’ தரத்தில் அமைந்த ஹதீஸாகும்.)
ஆ) அப்துல்லாஹ் பின் மஸ்ஊத் (ரலி) அவர்கள், “அல்லாஹ்வின் தூதர் (ஸல்) அவர்கள் தொழுததைப் போன்று உங்களுக்கு நான் தொழுது காட்டட்டுமா?” என்று கேட்டுவிட்டுத் தொழுது காட்டினார்கள். அப்போது, (ஆரம்ப தக்பீர் கூறும்) முதல் தடவையில் தவிர வேறு எப்போதும் அன்னார் தம் கைகளை உயர்த்தவில்லை -என்று அல்கமா (ரஹ்) அவர்கள் அறிவிக்கிறார்கள். (ஜாமிஉத் திர்மிதீ தமிழாக்கம், ஹதீஸ்-238. இது ‘ஹசன்’ தரத்தில் அமைந்த ஹதீஸாகும்.)
முதல் ஹதீஸின்படி, நபித்தோழர்களில் இப்னு உமர், ஜாபிர், அபூஹுரைரா, அனஸ், இப்னு அப்பாஸ் (ரலி) முதலானோரும் ஹசன் அல்பஸ்ரி, முஜாஹித், சயீத் பின் ஜுபைர், மாலிக், ஷாஃபிஈ, அஹ்மத் (ரஹ்) முதலான இமாம்களும் கருத்துத் தெரிவித்துள்ளனர்.
இரண்டாவது ஹதீஸை பராஉ பின் ஆஸிப் (ரலி) அவர்களும் அறிவித்துள்ளார்கள். சுஃப்யான் அஸ்ஸவ்ரீ (ரஹ்), ஹனஃபிய்யாக்கள் போன்றோர் இந்த ஹதீஸின்படியே செயல்பட வேண்டும் என்கின்றனர்.
சிலர் இப்படியும் விளக்கம் அளிப்பதுண்டு. ‘ருகூஉ’விலும் எழுந்திருக்கும்போதும் கைகளை உயர்த்துவதே பெரும்பாலான நேரங்களில் நபி (ஸல்) அவர்களது வழக்கமாக இருந்துள்ளது. அதிகமான நபித்தோழர்கள் அறிவித்ததிலிருந்து இதை உணரமுடிகிறது. ஓரிரு முறைகள் அவ்வாறு கைகளை உயர்த்தாமலும் நபியவர்கள் தொழுதிருக்கிறார்கள். அதையே இப்னு மஸ்ஊத் (ரலி) போன்றோர் அறிவித்துள்ளார்கள். (அல்மின்ஹாஜ்)
இப்போது சொல்லுங்கள்!
இதுபோன்ற சிக்கலான பிரச்சினைகளில், இரண்டில் ஒன்றைத் தேர்ந்தெடுப்பதும் அதற்கான தகுந்த காரணங்களைக் கண்டுபிடிப்பதும் யாருக்குச் சாத்தியப்படும்? நபி (ஸல்) அவர்களை அருகிலிருந்து கண்கூடாகக் கண்ட நபித்தோழர்கள், அந்த நபித்தோழர்களை நேரில் கண்ட ‘தாபிஉ’கள், அந்த ‘தாபிஉ’களை நேரில் பார்த்த ‘அத்பாஉ’கள், அவர்களைத் தொடர்ந்து வாழ்ந்த இமாம்கள் ஆகியோர் இதற்குத் தகுதி வாய்ந்தவர்களா? பிற்காலத்தில் வந்த அறிஞர்கள் பொருத்தமானவர்களா?
நாற்பெரும் இமாம்களில் முதல் மூவர் ‘தாபிஉ’கள் காலத்தில் வாழ்ந்தவர்கள்; நான்காமவர் அத்பாஉ தாபிஉகளில் ஒருவர் என்பது குறிப்பிடத்தக்கது.
1. இமாம் அபூஹனீஃபா நுஅமான் பின் ஸாபித் (ரஹ்) அவர்கள். கூஃபா - இராக். (ஹி.80-150; கி.பி. 699-767).
2. இமாம் அபூஅப்தில்லாஹ் மாலிக் பின் அனஸ் (ரஹ்). மதீனா - சஊதி. (ஹி.93-179; கி.பி. 712-795).
3. அபூஅப்தில்லாஹ் முஹம்மத் பின் இத்ரீஸ் அஷ்ஷாஃபிஈ (ரஹ்). ஃகஸ்ஸா - பாலஸ்தீனம். (ஹி.150-204; கி.பி. 767-820).
4. அபூஅப்தில்லாஹ் அஹ்மத் பின் ஹன்பல் (ரஹ்). பஃக்தாத் - இராக். (ஹி.164-241; கி.பி. 781-855).
ஆக, சாமானிய மக்களைப் பொருத்தமட்டில் இமாம்களும் அவர்களின் ஆய்வுகளான ஃபிக்ஹ் சட்டங்களும் தவிர்க்க முடியாதவை என்றே கூறலாம். கற்றறிந்த பெரிய மேதைகள் கூடப் புதிதாக ஆய்வு செய்ய வேண்டிய தேவையின்றி, இந்த நால்வரில் ஒருவருடைய ஆய்வே போதுமானதாக இருக்கிறது எனலாம்.
(சந்திப்போம்)

புதன்கிழமை, 21 பிப்ரவரி 2018 12:38

மண்ணின் வரலாறு-10

Written by

கோட்டக்குப்பம் என அழைக்கப்படும் கோட்டைக்குப்பம் பாண்டிச்சேரி மாநகரோடு ஓர் நகராய் வடக்கில் “பிரெஞ்சோடு இங்கிலிஸாய்’ இணைந்து இருக்கும் கோ நகரம்.
புதுவைப் பகுதியில் ஊர்கள் தனித்தனியாக இல்லாமல் தமிழக ஊர்களோடு கலந்து கிடக்கின்றன. எனவே இப்பகுதி மக்கள் புதுவை தமிழக ஊர்களை அடையாளப்படுத்த பிரெஞ்சு இங்கிலீஸ் என குறிப்பிடுகின்றனர்.
மதராஸ்பட்டினத்திற்கு அன்று சென்ற பாதை இன்று பழைய பட்டணப் பாதை என அழைக்கப்படுகிறது. இன்றைய புதிய பட்டணப்பாதை கிழக்குக் கடற்கரைச் சாலையாக மாறிவிட்டது.
இன்றைய கிழக்குக் கடற்கரைச் சாலையின் இருபக்கங்களிலும் பழைய மரக்கலை நுணுக்கப் பொருட்கள் விற்கும் கடைகள் நிறைந்து கிடக்கின்றன. இவை போன்ற கடைகள் நூற்றுக்கணக்கில் இருக்கும் ஒரே ஊர் இதுவே.
உரூபா எழுபத்தைந்தாயிரம் மதிப்புள்ள ஒற்றைக் கதவு. பிரமாண்டமாக அது பெரம்பலூர் பகுதியில் வாங்கப்பட்டிருந்தது. வாசக்கால்களுடன் வாங்கப்பட்டிருந்த அதன் திறவு கோல் ஒரு பெரிய கையின் அளவில் மரத்தாலேயே வடிக்கப்பட்டிருந்தது.’ இதை நான் “பஹ்மிதா” கலைப்பொருள் மரக்கடையில் கண்டேன்.
தனி ஊராட்சியாக இருந்த கோட்டக்குப்பம் இன்று பெரிய கோட்டக்குப்பம், சின்னக் கோட்டக்குப்பம், பெரிய முதிலியார் சாவடி, சின்ன முதலியார் சாவடி, குயிலாம்பாளையம், கோட்டைமேடு ஆகிய ஊர்களையும் உள்வாங்கி பேரூராட்சியாக விளங்குகிறது.
கோட்டக்குப்பத்தின் மேற்கில்தான் சர்வதேச நகரான “ஆரோவில்’ உள்ளது. கிழக்கில் கடற்கரையும் அதைத் தொடர்ந்து தென்னந் தோப்புகளும் நிறைந்த கோட்டக்குப்பம் மிக முக்கியமான மீனவக்கிராமம். ஐந்து மீனவக் குப்பங்களை ஊள்ளடக்கிய பெரிய கிராமம்.
மீனவர்கள், வன்னியர்கள், முஸ்லிம்கள், தலித்கள் என பல்வேறு வகை மக்களும் வாழும் கோட்டக்குப்பம் பிரெஞ்சுக்காரர்களின் ஆட்சியிலிருந்து பாண்டிச்சேரி விடுதலை பெற கேந்திரமாக விளங்கியுள்ளது.
ஐரோப்பியர்கள் வரும் முன்னர் ஆதிகாலத்தில் புதுவை, கோட்டக்குப்பம், கூனிமேடு, மரக்காணம் ஆகிய பகுதிகள் “எயில்நாடு’ என விளங்கியதாக தகவல்கள் உள்ளன.
எயில் என்றால் கோட்டை என்று பொருள், பெருங்கோட்டையோடு பெயர் பெற்றிருந்த நாடு எயில்நாடு. எயில் நாட்டின் கோட்டை பெருஞ்சுவர்களோடு புதுவைக்கும் கோட்டக்குப்பத்திற்கும் கிழக்கே இருந்ததால் அது கடற்கோளால் இன்று கடலுக்குள் மூழ்கிக் கிடப்பதாகவும் அதன் சுவர்கள் கடலுக்குள் தட்டுப்படுவதாகவும் கடலாராய்ச்சியாளர் ஒரிஸா பாலு கட்டுரைகள் எழுதியுள்ளார்.
கோட்டையென்றால் அரசாள்வோரின் இருப்பிடம், குப்பம் என்றால் கோட்டையைச் சூழ்ந்திருக்கும் மக்களின் இருப்பிடம். பழவேற்காட்டின் கடலோரப்பகுதி இன்றும் கோட்டையோடு குப்பமுள்ள பிரதேசம், கோட்டக்குப்பம் என்றே அழைக்கப்படுகிறது.
கோட்டக்குப்பத்தின் ஒரு பகுதியாக கோட்டைமேடும் உள்ளது. அங்கு நவாப்காலத்தில் ஒரு கோட்டையிருந்தது, அது சிதிலமாகி மண்மேடாக மாறியிருக்கலாம். எப்படிப் பார்த்தாலும் கோட்டக்குப்பம் கோட்டையோடு சம்பந்தப்பட்ட பேரூர்தான்.
ஒரு கடலோர முஸ்லிம் கிராமம் சில இலக்கணங்களோடு அமைந்திருக்கும். கடலோரத்தில் மீனவர் தெரு அடுத்து கிழக்கத் தெரு அதையடுத்து வடக்குத் தெரு என அமையும். பெரியதெரு அதற்கும் மேலாக மேலத்தெரு, அதன் தொடர்ச்சியாக சில தெருக்கள்; சில குளங்கள்.
மேற்கில் பரந்து கிடக்கும் வயல்வெளிகள், அதற்கும் மேலாக கண்மாய். இதுதான் கிழக்குக் கடலோர முஸ்லிம் கிராமங்களின் அமைப்பு விதி.
கடலோரம் மீனவர்கள், அவர்களை அடுத்து கடல்தொழில் செய்யும் முஸ்லிம்கள், அவர்களை விட்டும் தள்ளி பலதொழில் செய்யும் முஸ்லிம் குடியானவர்கள். அடுத்து பல்வேறு வகை மக்கள், பெரும்பாலும் விவசாயிகள் அவர்களை அடுத்து கண்மாய்க்கரையோரம் விவசாயக் கூலிகள் என ஊர் அமைந்திருக்கும்.
கோட்டக்குப்பத்தில் சிறிது மாற்றம், குடியிருப்புகளிடையே தென்னந் தோட்டங்கள். கிழக்குக் கரை சாலையெங்கும் தென்னந் தோட்டங்கள். இவற்றைக் கடந்தே இங்கு வயல்வெளிகள் உள்ளன.
முஸ்லிம்கள் கடற்கரையை அடுத்த தெருக்களில்தான் குடியேறி வாழ்வார்கள். அங்குதான் பள்ளிவாசலை முதன் முதலில் கட்டிக்கொள்வார்கள். இந்த வரை விலக்கணப்படி பார்த்தால் கோட்டக்குப்பம் கடலோரமுள்ள மஸ்ஜிதே மாமூர்தான் முதல் பள்ளிவாசலாகும். இப்பள்ளியைச் சூழவே முஸ்லிம் குடியிருப்புகள் உருவாகியுள்ளன.
கோட்டக்குப்பத்தில் மக்கள் வந்து வாழத் தொடங்கி பல நூற்றாண்டுகளுக்குப் பின்பே பதினேழாம் நூற்றாண்டின் இறுதியில் ஆற்காடு நவாப் இங்கு வருகை தந்துள்ளார். செஞ்சியை மராட்டியரிடமிருந்து வென்றெடுத்த முகலாயர்களின் தளபதி ஜுல்பிகார் அலி கானே இந்த நவாப் என்பது குறிப்பிடத்தக்கது. அவர் வருகை தந்தபோது உடன் ஆற்காடு அரண்மனையில் விருந்தினராய் வந்திருந்த மார்க்க அறிஞர் சையத் மகபூஷா அவர்களையும் அழைத்து வந்து தங்கவைத்திருந்தார். நவாபின் விருந்தினர் வந்த இடத்தில் இறைவனடி சேர அங்கு நல்லடக்கம் செய்யப்பட்ட சையத் மகபூஷா அவர்களின் பெயரால் நவாப் இனாமும் விட்டுச் சென்றுள்ளார். அதன் பின் நீண்ட காலத்திற்குப் பின்பே 1867இல் நவாப் ஜாமிஆ மஸ்ஜிதைக் கட்டிக் கொடுத்துள்ளார்.
மீனவக் கிராமங்களில் பெரும்பாலும் மீனவர்களும் முஸ்லிம்களுமே குடியிருக்கின்றனர் கிழக்கில் மீன்பிடித்தலும் வியாபாரமும் வளர்ந்த சமயத்தில் மேற்கில் தோட்டந்துரவுகளும் விவசாயமும் உயர்ந்துள்ளன.
மரக்கலராயர்களாய் இருந்த முஸ்லிம்களோடு பல்வேறு ஊர்களிலுள்ள முஸ்லிம்களும் வணிக நோக்கோடு கோட்டக்குப்பத்திற்கு வந்து குடியேறியுள்ளனர்.
கோட்டக்குப்பத்து மூத்த குடிகளில் ஒன்றான காஜி ஜெய்னுலாபீதீன் குடும்பம் தஞ்சை மாவட்டத்து திருப்பணந்துருத்தியிலிருந்து வந்து குடியேறி 250 ஆண்டுகளுக்கும் மேலாகிறது என்கின்றனர். மானுடக் கணக்குப்படி பார்த்தால் ஏழு தலைமுறையைத் தாண்டுகிறது.
காஜியார் குடும்பத்தினரைப் போல் மேலும் சிலர் தஞ்சை மாவட்டத்திலிருந்து குடியேறியுள்ளனர். காலங்கள் கடந்தும் அவர்கள் இன்றும் தஞ்சாவூரான் வீட்டினர் என அழைக்கப்படுகின்றனர். இவ்வாறு வேர்களைத் தோண்டினால் பல சுவையான சங்கதிகள் கிடைக்கும்.
நாகப்பட்டினம், ஆற்காடு பகுதிகளிலிருந்தும் பலர் வந்து குடியேறியுள்ளனர்.
ஆற்காட்டு நவாப் காலத்தில் ஆட்சியதிகார அலுவல்களுக்காக உருது பேசும் முஸ்லிம்கள் இங்க குடியேறியுள்ளனர். அவர்கள் நிலமானியமும் பெற்றுள்ளனர்.இவர்கள் அனைவரும் ஷாபி மத்ஹபைச் சேர்ந்தவர்கள் என்பது முக்கிய செய்தி.
கடலோரக் கிராமங்களிலுள்ள முஸ்லிம்கள் தமிழ் பேசுபவர்களாகவும் ஷாபிகளாகவும் இருப்பர். இங்கு தமிழ் பேசுபவர்கள் பெரும்பாலும் ஹனபி மத்ஹபை பின்பற்றுபவர்கள், ஷாபிகளும் இருக்கின்றனர்.
ஒரு காலத்தில் இங்கு ஊரின் மேற்குப் பகுதியில் காயல்பட்டினக்காரர்கள் வாழ்ந்துள்ளனர். இன்றைய பழையபட்டணப் பாதை அன்றைய காயலான் தெரு என அழைக்கப்பட்டிருக்கிறது.
இங்கு பதினொரு தொழுகைப் பள்ளிகள் இருந்தாலும் பழைய பள்ளிகள் இரண்டு : ஒன்று நகரின் நடுவில் இருக்கும் ஜாமிஆ ஜும்மா பள்ளி, இரண்டு முத்தியால் பேட்டை தொடக்கத்திலுள்ள புஸ்தானி பள்ளி. ஆற்காடு நவாப் 1867 இல் கட்டிய ஜாமிஆ ஜும்மா பள்ளிவாசல் 1971இல் புதுப்பிக்கப்பட்டுள்ளது. பள்ளிகள் பலவிருந்தாலும் ஒரே ஜமாஅத்தாக செயல்படுவது இவ்வூரின் சிறப்பு.
இங்குள்ள ஒரே தர்கா மகபூப்ஷா தர்கா. ஆற்காட்டு நவாப் காலத்தில் இங்குவந்து அழைப்புப் பணியாற்றிய மூன்று சகோதரர்களில் மூத்தவர் மகபூப்ஷா. அடுத்தவர் பாகர்ஷா, இவருடைய கபர்ஸ்தான் விழுப்புரத்தில் உள்ளது. மூன்றாமவர் அச்சிறுபாக்கத்தில் அடக்கமாகியுள்ளார்.
இங்குள்ள ரப்பானியா மதரஸா பெரும் புகழ்பெற்றது. பெண்களுக்காக இயங்கி வரும் மதரஸாவும் மிகச் சிறப்புக்குரியது.
தமிழகத்தின் எந்த முஸ்லிம் பேரூரும் பெறாத ஒரு மாபெரும் சிறப்புப் பெற்ற ஊர் கோட்டக்குப்பம். அதற்குக் காரணம் நகரின் நடுவிலுள்ள “அஞ்சுமன் நுஸ்ரத்துல் இஸ்லாம்‘ நூலகம், அதன் அகவை 90.
1926 இல் அஞ்சுமன் நூலகம் தொடங்கப்பட்டது. பல்வேறுவகை இதழ்களையும் நூல்களையும் வாசிக்கும் இடமாக மட்டும் இல்லாமல் கல்வி வளர்ச்சி, அறிவு வளர்ச்சி, மார்க்க விழிப்புணர்வு, சுகாதார மேம்பாடு, பொருளாதார உதவி, சமூக நல்லிணக்கம் ஆகியவற்றுக்கான கேந்திரமாகவும் விளங்கி வருகிறது அஞ்சுமன். அண்மையில் 90ஆம் ஆண்டுவிழாவை பெருவிழாவாகக் கொண்டாடிய அஞ்சுமன் நூலகம் ‘நூற்கண்டு’ எனும் அருமையான மலரை வெளியிட்டு கோட்டக்குப்ப வரலாற்றை ஆவணப்படுத்தியுள்ளது.
இதன் நிறுவனர் காஜி அப்துல் ஹமீது ஹஃபீஸ் பாகவி. இவர் அண்மையில் மறைந்த அஞ்சுமன் செயலாளர் காஜி ஜைனுல் ஆபிதீனின் தந்தையார். தற்போதைய செயலாளர் சகோதரர் அ. லியாகத் அலீ, தலைவர் டாக்டர். ஹாஜி எல். எம் ஷரீஃப், இந்நூலகத்திற்கு தமிழகத்தின் பல்வேறுவகை படிப்பாளிகளோடு அயல்நாட்டுப் படிப்பாளிகளும் வருகை புரிந்திருக்கின்றனர்.
கடல் தாலாட்ட தென்னைகள் நடனமாட பயிர்களும் தலையாட்டிக் கொண்டிருந்த கோட்டக்குப்பத்தில் முக்கிய தொழிலாக நெசவும் சிறப்பான வணிகமாக துணிகள் ஏற்றுமதியும் வருவாயைப் பெருக்கியிருக்கின்றன.
நெசவுத் தொழிலைப் பற்றி கோட்டை கலீம் கூறுவதைக் கேளுங்கள் : எம் முன்னோர் நெசவாளிகளின் வாசிப்பிடம் மட்டுமின்றி அவர் வசிப்பிடமே நூலகம்தான்.
நெசவோடு அவர்கள் சுருட்டுத் தயாரிப்பதிலும் ஈடுபட்டிருந்தனர். காலம் சுழல நெசவும் சுருட்டுத் தயாரிப்பும் இல்லாமல் போக விவசாயம் குறைய தோட்டந் துரவுகள் முகத்தை மாற்றிக்கொள்ள கண்ணுக்குத் தெரியாமல் பல மாற்றங்கள் ஏற்பட்டுள்ளன.
பர்மா சென்று திரும்பியோர் கிழக்காசிய நாடுகளில் பிழைக்கக் சென்றனர். மேற்கில் உதித்த இஸ்லாமிய சூரியக்கதிரில் ஒளிபெற்றோர் இரண்டாவதாக மேற்கில் உதித்த வேலைவாய்ப்புப் பேரொளியில் இருட்டை விரட்டினர். அப்பேரொளியே தொடர்ந்து இருளைக் கிழித்துக் கொண்டிருக்கிறது.
உலகக்கல்வி, மார்க்கக் கல்வி என கல்வியைக் கூறு போட்டதால் பின்னுக்குத் தள்ளப்பட்ட சமுதாயம் இன்று ரெட்டைக் கல்விகளைப் பெற்று கணினிகளைத் தட்டிக் கொண்டிருக்கிறது. சிலர் மட்டும் பெற்ற வேலைவாய்ப்புகளை இன்று பலரும் பெறக்கூடிய சூழல் உருவாகியுள்ளது.
மார்க்க அறிஞர்களின் கோட்டையாகவே கோட்டக்குப்பம் விளங்கி வருகிறது. பாகவி, ஜமாலி, மிஸ்பாஹி, உமரி பட்டங்கள் பெற்றவர்கள் மட்டுமல்ல நத்வி, தேவ்பந்தி, மதனி பட்டங்கள் பெற்றவர்களும் இங்கு ஆன்மபலம் சேர்த்துள்ளார்கள்.
மௌலவி அப்துல் ஸமத் நத்வி மலேசியாவில் பணியாற்றிய போது மலேசிய ரேடியோவிலும் உரையாற்றியுள்ளார். நேயர்களின் கேள்விகளுக்கு பதில் சொல்லியுள்ளார். அக்கேள்வி பதில்கள் ‘நீங்கள் கேட்டவை’ என நூலாக வெளிவந்துள்ளது. கோட்டக்குப்ப அல்ஜாமிஅத்துர் ரப்பானியா அரபிக் கல்லூரி இவரால் நிறுவப்பட்டதே, நூல்கள், உரைகள் மூலம் சிறப்பாக சன்மார்க்கப்பணி செய்த நத்வியாரை கோட்டக்குப்ப வரலாறு மறக்காது.
மார்க்க அறிஞர்களின் கோட்டை எனப் பெயர் பெற்ற ஊர் கோட்டக்குப்பம். 1905 1906 களில் தேவ்பந்தில் படித்துப் பட்டம் பெற்றவர்கள் இவ்வூர் ஆலிம்கள். மௌலானா அப்துல் ரஹீம், மௌலான அப்துல் கரீம் ஆகிய இருவரும் அக்காலகட்ட தேவ்பந்த் மாணவர்கள்.
காஜி லெப்பை குடும்பத்தைக் சேர்ந்தவர்களான காஜி முஹம்மது யாகூப் ஹஜ்ரத் காஜி மௌலவி அப்துல் ரஹ்மான் பாகவி, அஞ்சுமன் நிறுவனர் மௌலானா அப்துல ஹமீது ஹபீஸ் பாக்கவி என நீண்ட பட்டியலைக் கொண்ட உலமாக்கள் பிறந்த ஊர் இது. கோட்டக்குப்பத்தில் பிறந்து உலமாக்களாக உயர்ந்தோர், ஊரிலேயே நீண்டகாலம் மார்க்கப் பணி செய்துள்ளனர்.
புதுச்சேரியின் வட எல்லையாக அமைந்ததால் அது அடைந்த சிரமங்களும் சிக்கல்களும் அதிகம். அந்தச் சங்கடங்களைத் தாண்டி பண்பாட்டைக் காப்பாற்றி வாழும் ஊர் கோட்டக்குப்பம். வெளியூர்க்காரர்களுக்கு இரு ஊர்களின் எல்லை எது எனத் தெரியாது. இன்று அவை இரண்டும் பிணைந்து கிடக்கிறது. அந்நியர் ஆட்சியில் கோட்டையிலிருந்து சேரிக்குச் செல்ல கடவுச்சீட்டு தேவை. கடவுச்சீட்டு காட்ட வேண்டிய இடம் சாலைத் தெருவில் இருந்தது. அது இன்றும் “மகிமை’ என குறிப்பிடப்படுகிறது.
கோட்டக்குப்பமும் பிரெஞ்சியர் வசம் இருந்திருக்குமாயின் இன்று புதுவை மக்கள் பெற்றுக்கொண்டிருக்கும் பல சலுகைகள் இங்கும் கிடைத்திருக்கும்.
2004, டிசம்பர், 26 தமிழகம் மறக்க முடியாத நாள். ஆழிப்பேரலை - சுனாமி கோட்டக்குப்பத்திலும் கரையேறி கொண்டாட்டம் போட்டது. அதனால் பாதிக்கப்பட்டவர்களுக்கு உதவிகள் அளிக்க ஜமியத்துல் உலமா ஹிந்தின் நிவாரணக்குழு வந்திருக்கிறது.
நிவாரணம் செய்தபடியே ஜமியத் குழுவினர் பாதிக்கப்பட்ட மக்களுக்கு 78 வீடுகளை ஒன்றரைக் கோடி மதிப்பில் கட்டிக் கொடுத்தார்கள். அதுவே ஜமியத் நகர். சுனாமி தந்த இழப்பை பின்னுக்குத் தள்ளி அதன் மூலம் வந்த மீட்சியைப் பறைசாற்றுகிறது ஜாமியத் நகர்.
ஜமியத் நகரைப் போலவே இன்னொரு நகரும் உருவானது. அதன்பெயர் சமரசம் நகர். சின்ன கோட்டக்குப்பம் பகுதியில் 38 குடியிருப்புகள் ஜமாஅத்தே இஸ்லாமியால் கட்டப்பட்டு, பாதிக்கப்பட்டவர்களுக்கு வழங்கப்பட்டது. ஜாமியத் நகரை அடுத்தே சமரசம் நகர் அமைக்கப்பட்டது.
புதுக்குடியிருப்புகள் மேற்கிலும் பழைய குடியேற்றங்கள் கிழக்கிலும் திகழ நீண்ட கிழக்குக் கடற்கரை நடுவில் செல்லும் கோட்டக்குப்பத்தில் பழம் புகழ் மரச் சாமான்களோடு பழம்பெரும் நூலகத்தைக் காணும் வாய்ப்பைப் பெற புதுச்சேரி வட எல்லையில் ஒருமுறை கால்களை பதியுங்கள்.
ஊர்வலம் தொடரும்... தொடர்புக்கு : 9710266971

கல்விக்கு வகை செய்தான்
கற்பாரை ஊக்குவித்தான்
நள்ளிரவில் ஊர் காத்தான்
நண்பகலில் வழக்காய்ந்தான்
அல்லலுறும் மக்கள் தம்
அருகிருந்து பணி செய்தான்
சொல்லாலே அவன் புகழை
சொல்லர்க்கு அரிதாமே!
சமுதாயக் கவிஞர் தா. காசிம் பாடுகின்ற இந்தப் பாட்டுடைத்தலைவர் “என் கடன் பணி செய்து கிடப்பதே” என்பதற்கொப்ப வாழ்ந்துமறைந்த தொண்டி ஸையிது முஹம்மது சகிபேயாவார். “தன் வீடு, தன் மக்கள், தன் சுற்றம்” என்று தனது வாழ்க்கையைக் குறுக்கிக் கொண்டு அவர்களின் நலன்களுக்காகப் பாடுபடுகின்றவர்கள் உலகில் அனந்தம். தனது குடும்பம், தனது நலன்களை மட்டுமே பெரிதாகக் கொள்ளாமல் பிறர் நலன் பேணுகின்ற பெருந்தகையாளர்கன் உலகில் வெகுசிலரே வாழ்ந்துள்ளனர். (இன்றைக்கும் வாழ்ந்து வருகின்றனர்) அப்படிப்பட்ட மேன் மக்களில் ஒருவர்தான் தொண்டி தந்த மக்கள் சேவையாளர் ஸையிது முஹம்மது சாகிப்.
இராமநாதபுரம் மாவட்டத்திலுள்ள பழம் பதிகளில் ஒன்றான கிழக்குக் கடற்கரையில் அமைந்துள்ள முஸ்லிம்கள் நிறைந்து வாழ்கின்ற பேரூர் தான் தொண்டி, இரண்டாயிரம் ஆண்டுகளுக்கு முன்னரே இது மிகப் பெரிய துறைமுகமாக இருந்துள்ளது. இங்கிருந்து இலங்கைக்குப் பயணிகள் கப்பல்களும், வணிகக் கப்பல்களும் சென்று வந்துள்ளன. பல புலவர்களையும், கவிஞர்களையும், மார்க்க அறிஞர்களையு, சேவையாளர்களையும் தமிழ் கூறும் நல்லுலகிற்குத் தந்த பெருமை இவ்வூருக்குண்டு இங்கு தான் 1890 ஆண்டு (கர ஆண்டு வைகாசித் திங்கள் இருபதாம் நாள்) எம்.ஆர்.பீர் முகம்மது சாகிப்-சுலைஹா பீவி தம்பதியினரின் மூன்றாவது மகனாக ஸையிது முஹம்மது பிறந்தார்.
இளமைப் பருவம்
பள்ளிப் பருவத்தில் ஸையிது முகம்மது படிப்பில் நாட்டம் கொண்டவராக இருக்கவில்லை பள்ளிக் கூடத்திற்குச் செல்லாமல்; தன் வயதையொத்த சிறுவர்களுடன் சேர்ந்து கொண்டு விளையாடுவதிலும் இரவு நேரங்களில் நண்பர்கள் புடை சூழ அமர்ந்து கொண்டு பாடல்களைப் பாடுவதிலும் நேரத்தைச் செலவிட்டார். இதனையறிந்து, தந்தையார் பீர் முஹம்மது சாகிப் புதல்வனைக் கண்டித்தார். சில சமயங்களில் அடிக்கவும் செய்தார். இதனைப் பொறுத்துக் கொள்ள இயலாமல் ஸையிது முஹம்மது ஒரு நாள் யாரிடமும் சொல்லிக் கொள்ளாமல் ஊரை விட்டே சென்று விட்டார். ஊரில் எங்கு தேடினும் அவரைக் கண்டு பிடிக்க முடியவில்லை. எனவே பீர்முகம்மது சாகிப் அருகிலுள்ள பல ஊர்களுக்கும் ஆட்கள் அனுப்பித் தேடச் செய்தார். அதிலும் பலன் இல்லை. மகனைக் காணாமல் பெரிதும் துயருற்றிருந்த பெற்றோருக்குப் பல மாதங்களுக்குப் பிறகு அவர் பர்மா நாட்டின் வியாபார முக்கியத்துவம் வாய்ந்த நகரங்களில் ஒன்றான மாண்டலேயில் இருப்பதாகவும், அவரை அழைத்துக் கொண்டு ஊருக்கு வருவதாகவும் அங்கு வியாபார நிமித்தமாகச் சென்றிருந்த பீர்முஹம்மது சாகிபின் மைத்துனர் தகவல் அனுப்பினார். அதன் படியே சில நாட்களில் அவரும் ஸையிது முஹம்மதுவை அழைத்துக் கொண்டு தொண்டிக்கு வந்தார். காணாமல் போன மகன் வந்தது குறித்து பெற்றோர் மன மகிழ்ச்சியடைந்தனர்.
ஊர் திரும்பிய ஸையிது முஹம்மது தொண்டியிலேயே தனது பெற்றோர்களுடன் சில ஆண்டுகள் இருந்தார். பின்னர் இலங்கையின் தலைநகரான கொழும்புக்குச் சென்று அங்கு தனது உறவினர்கள் நடத்தி வந்த பாக்குக் கடையில் சில ஆண்டுகள் பணிபுரிந்து விட்டு ஊர் திரும்பினார்.
பொது வாழ்க்கையில்
ஸையிது முஹம்மது இளமையிலேயே தலைமைப் பண்புகள் கொண்டவராகத் திகழ்ந்தார். ஊரில் அவரைச் சுற்றி எப்போதும் ஒரு இளைஞர் கூட்டம் இருந்தது. அந்த இளைஞர்களைச் சேர்த்துக் கொண்டு பல பொதுச் சேவைகளில் ஈடுபட்டா ர். அப்போது தொண்டி ஊராட்சியின் தலைவராக நீண்டகாலம் பணியாற்றிய இவரது பெரிய தந்தையாரின் மகன் அப் பதவியிலிருந்து விலகினார். அவரது இடத்திற்கு அவரது தம்பியை மாவட்ட அதிகாரி நியமித்தார். (அப்போது நியமனம் தான் பின்னர் தான் தேர்தல்கள் வந்தன) அவரும் ஓராண்டு காலம் பொறுப்பு வகித்து விட்டு பின்னர் விலகிக் கொண்டார்.
அந்தக் காலியிடத்திற்கு வேறு யாரை நியமிக்கலாம் என்று மாவட்ட அதிகாரி ஆலோசனை நடத்திக் கொண்டிருந்த போது ஊரிலிருந்த பெரும்பான்மையான மக்கள் நமது ஸையிது முஹம்மதுவையே நியமிக்க வேண்டுமென வேண்டுகோள் விடுத்தனார். அதனை ஏற்றுக்கொண்ட மாவட்ட அதிகாரி அவரையே தலைவர் பதவிக்கு நியமித்தார். அப்போது அவருக்கு வயது 26 தான்.
ஊராட்சித் தலைவருக்குரிய பணிகளை அவர் மிகுந்த அர்ப்பணிப்பு உணர்வுடன் மேற்கொண்டார். தினந்தோறும் தெருக்களுக்குச் சென்று குப்பைகள் ஒழுங்காக பெருக்கப்பட்டுள்ளனவா என்பதனையும் இரவு நேரங்களில் தெருக்களில் விளக்குகள் (அப்போது மண்ணெண்ணெய் விளக்குகள் தான்) ஏற்றப்பட்டுள்ளனவா என்பதையும் கண்காணிப்பார். பணிகளைச் சரிவரச் செய்யாத ஊராட்சி மன்ற ஊழியர்களைக் கண்டித்து வேலை வாங்குவார். திருடர்கள் பயம் இருந்த காலங்களில் தெருக்கள் தோறும் “விழிப்புணர்வுக் குழுக்கள்” அமைத்து கண்காணிப்புப் பணியில் ஈடுபடச் செய்தார். தொண்டி அருகேயுள்ள பாண்டுகுடி என்ற ஊரில் மஞ்சள் செட்டியார் வகுப்பைச் சார்ந்தவர்கள் வாழ்ந்து வந்தனர். வசதி மிகுந்த இவர்கள் தங்கள் வீடுகளில் பணம், தங்க ஆபரணங்கள் அதிகம் வைத்திருப்பர்.
1942ஆம் ஆண்டு நடைபெற்ற வெள்ளையனே வெளியேறு இயக்கத்தின்போது சமூக விரோதிகளும், திருடர்களும் இவர்களின் செல்வங்களைக் கொள்ளையடிக்கத் திட்டமிட்டனார். இதையறிந்து அம் மக்கள் ஸையிது சாஹிபிடம் முறையிட, அவர் அச்சமூக மக்களைக் காப்பாற்ற ஒரு தொண்டர் படையை அனுப்பினார்.
அப்போதெல்லாம் “காலரா” என்ற கொள்ளை நோய் ஆண்டு தோறும் பரவி ஏராளமான உயிர்களைக் காவு வாங்கும். அந்தச் சூழ்நிலையில் ஊருக்குச் சுகாதார அதிகாரிகளை அழைத்து வந்து தடுப்பு ஊசி போட ஏற்பாடு செய்வார். தடுப்பூசி போடுவதற்குப் பயந்து ஓடிய பெண்களுக்கும், சிறுவர்களுக்கும் தைரியமூட்டி அதனைப் போடச் செய்வார். வீட்டுத் தீர்வையைச் செலுத்த இயலாத நிலையிலிருந்த ஏழை, எளிய மக்களுக்கு தனது சொந்தப் பணத்திலிருந்து அத்தீர்வையைச் செலுத்தி உதவுவார்.
ஊரில் குடும்பங்களிடையே ஏற்படும் கணவன் / மனைவி பிரச்சனைகள், சொத்துப் பங்கீடு பிரச்சனைகள் ஆகியவற்றில் தலையிட்டு அவற்றின் நியாயமான, சமூகத் தீர்வுக்கு உதவுவார். இத்தகைய சீரிய பணிகள் காரணமாக, அவர் வெகுவிரைவில் மக்களின் அன்பையும், ஆதரவையும் பெற்ற ஒரு சிறந்த உள்ளூர்த் தலைவராக உருவெடுத்தார். அவரது சேவைகள் குறித்து அறிந்து கொண்ட மாவட்டத்தின் பிற பகுதிகளிலுள்ள மக்களும் அவரைப் பாராட்டினர்.
அவரது தன்னலமற்ற சேவைகளைக் கண்ட அரசாங்கம் அவரை தாலுகா போர்டு மற்றும் ஜில்லா போர்டுகளில் உறுப்பினராக நியமித்தது. இந்தப் பொறுப்புகளையும் அவர் செவ்வனே செய்து முடித்தார். தொண்டியில் செயல்பட்டு வந்த தொடக்கப் பள்ளியை எட்டாம் வகுப்பு வரை படிக்க வகை செய்யும் உயர் தொடக்கப் பள்ளியாகத் தரம் உயர்த்திட ஏற்பாடு செய்தார்.
கல்வியில் பெண்கள் மிகவும் பின் தங்கியிருப்பதை உணர்ந்த அவர், கல்வி அதிகாரிகளுடன் தொடர்பு கொண்டு ஜில்லா போர்டு சார்பாக தொண்டியில் பெண்கள் பள்ளிக்கூடம் திறக்கப்பட வழிவகை செய்தார். மேலும் தொண்டியில் வசித்து வந்த மீனவர் வீட்டுக் குழந்தைகள் கல்வி பயின்றிட அவர்களுக்கென்று ஒரு தனிப்பள்ளிக் கூடம் தொடங்கப்படக் காரணமாக இருந்தார். தொண்டியில் ஓடிக் கொண்டிருக்கும் மணிமுத்தாற்றின் குறுக்கே அப்போது பாலம் எதுவுமில்லை.
எனவே மழைக் காலங்களில் வெள்ளம் பெருக்கெடுத்து ஓடும்போது ஆற்றைக் கடக்க மக்கள் பெரிதும் சிரமப்பட்டனர். வெளியூர்களுக்குச் செல்ல பல மைல்கள் தூரம் சுற்றிச் செல்ல வேண்டிய நிலை ஏற்பட்டது. இதனை கருத்தில் கொண்டு, ஜில்லா போர்டு கூட்டத்தில் அவ்வாற்றின் குறுக்கே பாலம் கட்ட வேண்டுமென்ற தீர்மானத்தைக் கொண்டு வந்தார். எப்போதோ ஆண்டில் சில நாட்கள் வெள்ளம் வருகிறது என்பதற்காக லட்சக்கணக்கான ரூபாய் செலவு செய்து பாலம் கட்டுவது தேவையற்றது என்று கூறி சில உறுப்பினர்கள் அத்தீர்மானத்தை எதிர்த்தபோது அவர்களை சமாதானம் செய்து தீர்மானம் நிறைவேறிட வழிவகை செய்தார். அதன்படி அவ்வாற்றில் பாலம் கட்டப்பட்டது.
சென்னை மாகாணத்தின் பல மாவட்டங்களில் உற்பத்தியாகும் நெல்லைக் கொள் முதல் செய்து அதனை விநியோகிக்கும் உரிமத்தையும் அரசாங்கம் இவருக்கு வழங்கியிருந்தது. மிகவும் சிரமமான இந்தப் பெரும் பணியை அவர் திறம்படச் செய்து முடித்தார். தனது ஊழியர்களை ஆயிரக்கணக்கான ரூபாய்களுடன் பல இடங்களுக்கும் அனுப்பி நெல்லைக் கொள்முதல் செய்து வர ஏற்பாடு செய்தார். அவரது செல்வாக்கு காரணமாக, இந்தப் பணிக்கு கொள்ளையர்களால் தொல்லைகள் ஏற்படவில்லை. இந்தப் பொறுப்பை ஏற்றுக் கொண்டதால் ஏற்பட்ட கடும் வேலைப்பளு காரணமாக அவர் உடல் நிலை பாதிக்கப்பட்டது. எனினும் அதனைப் பொருட்படுத்தாது ஏற்றுக்கொண்ட பொறுப்பை நேர்மையுடன் நிர்வகித்து அனைவரின் பாராட்டுதல்களையும் பெற்றார். இந்தத் தொழிலில் அவருக்குப் பெரும் வருமானம் கிட்டியது.
தொண்டியில் அப்போது “முசாபரி பங்களா” ஊரைவிட்டு வெகுதொலைவில் அமைந்திருந்தது. அங்கு செல்வதற்கு முறையான சாலை எதுவும் இல்லை. எனவே ஊரின் பிரதான சாலையிலிருந்து அந்த பங்களா வரை சாலை அமைக்க ஏற்பாடு செய்தார். மக்கள் செய்திகளை அறிந்து கொள்ள வானொலி நிலையத்தை நிறுவினார். தொண்டிக் கடற்கரையில் “கலங்கரை விளக்கம்” கட்டினார்.
தொண்டியில் தனது சொந்த செலவில் உயர் நிலைப் பள்ளிக் கூடம் ஒன்றை தொடங்க வேண்டுமென்பது அவரது நெடுநாள் கனவாக இருந்தது.
அதற்கான பணத்தை சிறுகச் சிறுகச் சேமித்து வைத்திருந்தார், சில சொத்துக்கனையும் வாங்கி வைத்திருந்தார். 1946 ஆம் ஆண்டு நடைபெற்ற சட்டசபைத் தேர்தலில் போட்டியிட்டு வென்று சட்டப்பேரவை உறுப்பினராகத் தேர்ந்தெடுக்கப்பட்ட பின்னர், ஊரின் மேற்குப் புறத்தில் பலருக்குச் சொந்தமாக இருந்த 13 ஏக்கர் நிலத்தை விலைக்கு வாங்கி அதில் பள்ளிக்கூடத்திற்கு கட்டிடம் கட்டினார். அதே ஆண்டு பள்ளிக்கூடம் தொடங்கப்பட்டு செயல்பட்டு வந்தது.
பள்ளி வளாகத்தில் ஏழை மாணவர்கள் தங்கிப் பயின்றிட இலவச விடுதியையும் தொடங்கி நடத்தி வந்தார். எனினும் அவரது மறைவுக்குப் பின்னர் 1949 ஆம் ஆண்டு அவருடைய குடும்பத்தினர் பல்வேறு சூழ்நிலைகள் காரணாக பள்ளியை நிர்வகிக்க முடியாமல் அதனை ஜில்லா போர்டிடம் ஒப்படைத்தனர். பின்னர் இது அரசினர் பள்ளியாகியது, இன்றும் அவரது நினைவைப் போற்றும் வண்ணம் ஸையிது முஹம்மது அரசினர் மேல்நிலைப்பள்ளியாக அது சிறப்பான முறையில் நடைபெற்று வருகிறது.
அரசியல் ஈடுபாடு
அந்தக் கால கட்டத்தில் அகில இந்திய முஸ்லீம் லீக் சென்னை மாகாணமெங்கும் மிகச் சிறப்பான முறையில் செயல்பட்டுக்கொண்டிருந்தது. அக்கட்சியின் கொள்கைகளால் ஈர்க்கப்பட்ட அவர் அதில் இணைந்து பணியாற்றினார். ஏற்கனவே அப்பகுதி மக்களிடம் தனக்கிருந்த செல்வாக்கையும் ஆதரவையும் பயன்படுத்தி கட்சியின் வளர்ச்சிக்காகப் பெரிதும் பாடுபட்டார்.
1941 ஆம் ஆண்டு ஏப்ரல் மாதம் 12, 13, 14,15 தேதிகளில் அகில இந்திய முஸ்லீம் லீகின் சென்னை மாகாண மாநாடு சென்னையில் மிகப் பிரம்மாண்டமான அளவில் நடைபெற்றது இம் மாநாட்டில் அகில இந்தியத் தலைவர் காயிதே ஆஐம் ஜின்னா சாகிப் மற்றும் லீகின் முக்கியத் தலைவர்கள் கலந்து கொண்டு உரையாற்றினர். அம்மாநாட்டின் வரவேற்புக் குழுச் செயலாளராகப் பொறுப்பு வகித்த மலங்கு பாஷாவுடன் இணைந்து ஸையிது சாகிப் இராமநாதபுரம் மாவட்டமெங்கும் சுற்றுப்பயணம் மேற்கொண்டு நிதி திரட்டினார். இராமநாதபுரம் மாவட்டத்திலிருந்து பெரும் எண்ணிக்கையிலான தொண்டர்களை சென்னைக்கு அழைத்துச் சென்று அதில் கலந்து கொண்டார்.
மாநாட்டில் கலந்து கொண்ட தலைவர்கள் ஆங்கிலத்திலும் உருதுவிலும் உரையாற்றியதால், ஸையிது முஹம்மது போன்ற இந்த இரண்டு மொழிகளும் தெரியாத தொண்டர்களால் அவர்களது உரைகளைப் புரிந்து கொள்ள முடியவில்லை. இது குறித்து தனது ஆதங்கத்தை அவர் மலங்கு பாஷாவிடம் எடுத்துரைத்தார். மாநாட்டின் இறுதி நாளன்று பல தீர்மானங்கள் நிறைவேற்றப்பட்டன. பம்பாயைச் சேர்ந்த இஸ்மாயில் சந்திரிகர் என்பவர் முன் மொழிந்த ஒரு தீர்மானத்தை வழி மொழிந்து பேசும் வாய்ப்பினை வரவேற்புக்குழுச் செயலாளர் இவருக்கு வழங்கினார். தனக்குக் கிடைத்த அந்த வாய்ப்பை நன் முறையில் பயன்படுத்தி சுமார் அரை மணி நேரம் ஒரு உணர்ச்சி மிக்க உரையினைத் தமிழில் வழங்கினார். மாநாட்டில் கலந்து கொண்ட தமிழைத் தாய் மொழியாகக் கொண்ட தொண்டர்களுக்கு அவரது உரை ஆறுதலாக அமைந்திருந்தது. அனைவரின் பாராட்டுதல்களையும் பெற்றார்
1946 ஆம் ஆண்டு சென்னை மாகாண சட்டசபைக்குத் தேர்தல் நடைபெற்றது. இத்தேர்தலில் இராமநாதபுரம் மாவட்டம் முஸ்லீம் தனித்தொகுதியிலிருந்து போட்டியிட ஸையிது முஹம்மதுவுக்கு வாய்ப்பளிக்க வேண்டுமென மாவட்ட முஸ்லீம் லீக் ஒரு மனதாக மாகாண லீக்கிற்குப் பரிந்துரை செய்தது. ஆனால் இந்தப் பரிந்துரையைப் புறக்கணித்து மாகாண முஸ்லீம் லீக் அத்தொகுதியில் வேறு ஒருவரை வேட்பாளராக அறிவித்தது. இதனால் கோபமும் ஏமாற்றமுமடைந்த லீக் பிரமுகர்கள் ஸையிது முஹம்மதுவை வேட்பாளராக அறிவிக்கக்கோரி மாகாண மற்றும் மத்திய லீக் தலைவர்களுக்கு ஆயிரக்கணக்கான தந்திகள் அனுப்பினர்.
நிலைமையின் விபரீதத்தை உணர்ந்து கொண்ட அகில இந்தியத் தலைமை கட்சியின் மிக முக்கியத் தலைவர்களில் ஒருவரான ஜனாப் லியாகத்அலிகான் தலைமையில் தூதுக் துழு ஒன்றை சென்னைக்கு அனுப்பியது. இக்குழு முன் ஆஜராகிய இராமநாதபுரம் மாவட்ட லீக் பிரமுகர்கள் தங்கள் தரப்பு நியாயத்தை எடுத்துக்கூறி ஸையிது முஹம்மதுவைத்தான் வேட்பாளராக அறிவிக்க வேண்டும் இல்லை எனில் மாவட்டத்தில் கட்சியே இல்லாமல் போய்விடும் என்று எடுத்துக்கூறினர். ஸையிது முஹம்மதுவுக்கு இருந்த பெருத்த ஆதரவை உணர்ந்து கொண்ட தலைமை சில நாட்களுக்குப்பிறகு அவரையே இராமநாதபுரம் தொகுதி முஸ்லீம் லீக் வேட்பாளராக அறிவித்தது. இதனால் தொண்டர்கள் மகிழ்ச்சியடைந்தனர். இத்தேர்தலில் போட்டியிட்ட அவர் தனக்கு எதிராகக் களத்தில் நின்ற காங்கிரஸ் ஆதரவு பெற்ற முஸ்லீம் மஜ்லிஸ் வேட்பாளரை பெரு வாரியான வாக்குகள் வித்தியாசத்தில் தோற்கடித்து வெற்றி பெற்று சட்டசபை உறுப்பினரானார்.
ஒரு சட்டசபை உறுப்பினர் என்ற முறையில் அவர் தனது பணிகளைச் சிறப்பாகச் செய்தார் பல்வேறு மசோதாக்கள் மானியக்கோரிக்கைகள் மீது நடைபெற்ற விவாதங்களில் கலந்து கொண்டு தனது கருத்துக்களை விரிவாகவும் ஆழமாகவும் எடுத்து வைத்தார். (அப்போது முஸ்லீம் லீகின் சட்ட மன்றக் கட்சித்தலைவராக காயிதே மில்லத் இஸ்மாயில் சாகிப் இருந்தார் என்பது குறிப்பிடத்தக்கது.) அவரது சட்டசபைப் பணிகள் அனைவரும் போற்றும் வண்ணம் அமைந்திருந்தன.
பண்பு நலன்கள் :
ஸையிது முஹம்மது சாகிப் அனைத்து நற்பண்புகளின் உறைவிடமாகத் திகழ்ந்தார். தனது இல்லத்திற்குப் பல்வேறு கோரிக்கைகளுடன் வரும் சாமான்யப் பொது மக்களை இன் முகத்துடன் வரவேற்று உபசரிப்பார். அவர்களது கோரிக்கைகளைத் தீர்த்திட தன்னாலியன்ற முயற்சிகளை மேற்கொள்வார். அவர் ஒரு மிகச் சிறந்த பேச்சாளர். அவரது குரல் கணீரென்று இருக்கும். ஒலி பெருக்கி இல்லாத அந்தக் காலத்தில் தனது உரத்த குரலால் அனைவரையும் கவர்ந்திழுப்பார். அயராத தொடர் பணிகள் காரணமாக அவரது உடல் நலம் பாதிக்கப்பட்ட போதிலும் அதனைச் சற்றும் பொருட்படுத்தாமல் தனது சேவைகளைத் தொடர்ந்தார். ஆங்கில அரசு தனக்கு வழங்கிய “கான் சாகிப்” பட்டத்தை கட்சியின் கட்டளை காரணமாகத் துறந்தார்.
இந்து இஸ்லாம் என்ற சமய பேதமில்லாமல் அனைவருடனும் சமமாகப் பழகி வந்தார். அந்தக் காலகட்டத்தில் இராமநாதபுரம் மாவட்டத்திலிருந்த முக்கிய பிரமுகர்களான W.P.A. சொளந்திர பாண்டியனார், சிவகங்கை இராமச்சந்திர சேர்வை, வி.பி. ராமசாமி, அண்ணாமலைச் செட்டியார் மருமகன் வெங்கடாசலம் செட்டியார், இராமநாதபுரம் ராஜா சேதுபதியின் மகன் நாகராஜ சேதுபதி ஆகியோருடன் நெருங்கிய நட்புறவு கொண்டிருந்தார்.
குடும்பம் :
ஸையது முகமது சாகிபின் மனைவியின் பெயர் மர்யம் பீவி. இத் தம்தியருக்கு ஒரு மகன் மூன்று மகள்கள் என நான்கு பிள்ளைகள். மகன் அமானுல்லா காலமாகிவிட்டார் அவரின் புதல்வர்களின் ஒருவரான ஸையிது முஹம்மது சென்னையில் “VASIQ EDUCATIONAL AND CHARITABLE TRUST” என்ற அறக்கட்டளையை நிறுவி கல்விப் பணியாற்றி வருகிறார்.
ஸையிது சாகிபின் சகோதரியின் புதல்வர்கள் தான் எம்.ஆர்.எம். அப்துர் ரஹீம், எம்.ஆர்.எம். முஹம்மது முஸ்தபா, எம்.ஆர்.எம். முஹம்மது ஹனிபா ஆகியோர். அப்துர் ரஹீமும் முஹம்மது முஸ்தபாவும் தமிழக மக்களால் நன்கு அறியப்பட்ட மிகச் சிறந்த எழுத்தாளர்களாவர். முஹம்மது ஹனிபா தமிழக மின் வாரியத்தில் தலைமைச் செயற்பொறியாளராக இருந்து ஓய்வு பெற்றவர். இவர் அண்மையில் காலமானார். இவரும் ஒரு மிகச் சிறந்த மொழியியல் ஆய்வாளர். “சொற்பிறப்பியல்;” என்ற மாபெரும் தமிழாய்வு நூலை எழுதியுள்ளார். (இரண்டு பாகங்கள்) ஸையிது சாகிபின் இன்னொரு சகோதரியின் புதல்வர்தான் சில ஆண்டுகளுக்கு முன்பு மறைந்த கவிஞர் தண்ணன் மூஸா. இவரது தம்பி முகம்மது யாஸின் ஒரு மிகச் சிறந்த வழக்கறிஞராகத் திகழ்ந்தார். சென்னை உயர்நீதிமன்றத்தால் வெளியிடப்படும் “தீர்ப்புத் திரட்சி” என்ற மாத இதழின் ஆசிரியராகப் பொறுப்பு வகித்தார்.
ஸையிது சாகிபின் மகள் வழிப்பேரரான முகம்மது ஹில்மி ஆங்கில ஆசிரியராகப் பணியாற்றி ஓய்வு பெற்று தற்போது பாளையங்கோட்டையில் வசித்து வருகிறார். இவர் ஒரு மிகச் சிறந்த குழந்தை எழுத்தாளர். தினமணி சிறுவர் மணி, கோகுலம் ஆகிய இதழ்களில் ஏராளமான சிறுவர் கதைகளை எழுதியுள்ளார். இவரது சிறு கதைத்தொகுதியான ’மந்திரப்பூ’ நூலுக்கு “ஏர்வாடி இராதாகிருஷ்ணன் விருது” கிடைத்தது. ஸையிது சாகிபின் ஒன்று விட்ட சகோதரரான எம்.ஆர்.எம். அப்துல் கரீம் சென்னையில் வழக்கறிஞராகப் பணியாற்றினார்.
தொண்டியில் அரசினர் பெண்கள் பள்ளிக்கூடம் நிறுவிட தனக்குச் சொந்தமான நிலத்தைக் கொடுத்து உதவினார். இன்னொரு ஒன்று விட்ட சகோதரர் எம்.ஆர்.எம். ஸையிது இப்ராகிம் நூலக ஆணைக்குழு உறுப்பினராக இருந்தார். தொண்டியில் நூலகம் ஒன்றைத்தொடங்கி பின்னர் அதை அரசிடம் ஒப்படைத்தார். அவரது மகன் அப்துல்ஸலாம் தொண்டி ஊராட்சி மன்றத்தலைவராக நீண்ட காலம் பதவி வகித்தார். திருவாடானை ஊராட்சி ஒன்றிய துணைத்தலைவராகவும் பொறுப்பு வகித்தார். இப்படியாக ஸையிது சாகிபின் குடும்பத்தினரும் அவர் தம் வாரிசுகளும் பல்வேறு சமூகப்பணிகளில் ஈடுபட்டு வந்துள்ளனர். இன்றைக்கும் தம் பணிகளைத் தொடர்கின்றனர்.
முடிவுரை : சட்டசபைத் தேர்தலில் வேட்பாளராக நிற்கும் போதே ஸையிது முஹம்மது சாகிப் உடல் நலிவுற்று இருந்தார். தொடர்ந்த அயராத பணிகள் காரணமாக அவரது உடல் நிலை மேலும் மோசமடைந்தது. இறுதியில் 23 - 06 - 1948 அன்று தனது 58 வது வயதில் அவர் மரணமுற்றார்.
அதிகம் கல்வி கற்காத ஸையிது முஹம்மது சாகிப் தனது சேவையாலேயே மக்களின் மனதில் நீங்காத இடத்தைப் பிடித்தார். தொண்டிக்கும் தொண்டனாய் தொண்டிற்கும் தொண்டனாய் இவர் துலங்கி நின்றார் என்ற சமுதாயக் கவிஞர் தா.காசிமின் வார்த்தைகள் பொருளுரைகளே!
கட்டுரையாளருடன் தொடர்பு கொள்ள கைபேசி எண் - 9976735561.
நன்றி :- ஸையிது சாகிப் பற்றிய தகவல்களை அளித்திட்ட அவரது உறவினர்கள் திருச்சி ஜமான் மற்றும் பாளையங்கோட்டை ஹில்மி ஆகியோருக்கு.