saleem

saleem

Write on செவ்வாய்க்கிழமை, 17 ஏப்ரல் 2018

இயந்திரமயமாகிவிட்ட இன்றைய சூழலில் பொருள்களை வாங்கும்போது நாம் ஏதாவது ஒரு வகையில் ஏமாற்றப்படுகிறோம். குறிப்பாக காலாவதியான, கலப்படமான பொருள்களை விற்பது, பொதுமக்கள் ஒவ்வொரு பொருள்களையும் வாங்க நினைக்கும்போது போலியான விளம்பரங்களைக் கண்டு ஏமாறக் கூடாது. விழிப்புடன் இருந்தாலே ஏமாற்றப்படுவதிலிருந்து தற்காத்துக் கொள்ள முடியும். இவற்றின் மூலம் உடல்நலத்துக்குக் கேடு விளைவிக்கக் கூடிய பொருள்கள், உற்பத்தி செய்யும் முறைகள் மற்றும் சேவைகளிலிருந்து பாதுகாத்துக்கொள்ளலாம். தேவையான பொருள்களைத் தேர்ந்தெடுக்கலாம்; தரமற்ற பொருள்கள், சேவைகள் காரணமாக ஏற்படும் இழப்புகளுக்கு உரிய நஷ்டஈடு பெறலாம்.
பொதுமக்கள் பெரும்பாலும் தேவைக்கு அதிகமான நுகர்வைத் தவிர்த்தல் வேண்டும்; பொருள்களைத் தேர்ந்தெடுக்கும்போது அவற்றின் விலை, தேதி, தரம், முத்திரை போன்றவற்றைச் சரிபார்க்க வேண்டும்.

Write on செவ்வாய்க்கிழமை, 17 ஏப்ரல் 2018

நினைவேந்தலுக்கு பொதுவெளியில் அனுமதி கேட்டால், சட்டம் - ஒழுங்கு பாதிக்கும் என்று கூறி அனுமதி கொடுக்க மறுக்கிறது காவல்துறை. சட்டம் - ஒழுங்கை பாதுகாக்கத்தானே நீங்கள் இருக்கிறீர்கள். எங்களுக்குப் பாதுகாப்பு தருவதைவிட வேறு என்ன வேலை உங்களுக்கு இருக்கிறது என்று நான் கேட்கவில்லை. சென்னை உயர் நீதிமன்றம் கேட்டிருக்கிறது. இந்நிகழ்ச்சிக்கு அனுமதி மறுத்தவுடன் ஒதுங்கிச் செல்வதற்கு நான் ஒன்றும் கோழை அல்ல. பெரியாரின் பேத்தி.
இங்கு கூடியிருக்கும் நமக்குள் கருத்து வேறுபாடுகள் நிறைய இருக்கலாம். ஆனால், இலக்கு வேறுபாடு இருக்காது என்று நம்புகிறேன். சாதி ஒழிப்புக்கு, தமிழும் தமிழர் உரிமைக்கான போராட்டங்களுமே அடிப்படையாக இருக்கிறது.

Write on செவ்வாய்க்கிழமை, 17 ஏப்ரல் 2018

"பெரியார் சிலையை சேதப்படுத்திய பா.ஜ.க-வினரின் காழ்ப்புணர்ச்சியை அறிந்து அதிர்ச்சியடைந்தேன். சாதிய அமைப்புகளால் அடிமைப்பட்டிருந்த மக்களுக்கு சுய மரியாதையை வழங்கியவர் பெரியார். சமூக சீர்திருத்தவாதியான பெரியாரைப் பார்த்து, பா.ஜ.க-வுக்கு ஏன் பயம் வருகிறது. பா.ஜ.க-வின் வர்க்க ஏற்றத்தாழ்வு கொள்கைகளை இதன்மூலமாக மக்கள் பார்க்க முடியும்"

Write on செவ்வாய்க்கிழமை, 17 ஏப்ரல் 2018

முதல்வர் ஆகும் கனவில் உள்ள ஒருவர் மாணவர்கள் படிக்க வேண்டும்,அரசியல்கூடாது என்று அறிவுறுத்தியுள்ளார். அது ஒரு தனியார் கல்வி நிறுவனம். தகுதிக்கு மாறாக பணம் கொடுத்து சேர்ந்தவரே பெரும்பாலான மாணவர். நலிந்தோர், தலித் ஆகியோர்க்கு அங்கு இடமில்லை. படிக்க வேண்டும் என்று சொன்னவர் என்ன படிக்க வேண்டும் என்று சொல்லவில்லை.மாணவர்கள் உரிமை ஏதுமில்லாத அடிமைகளா. அவர்களில் பெரும்பாலோர் வாக்காளர்கள். அரசியல் தெரியாது எவ்வாறு வாக்களிப்பர். அரசியல் சட்டம் வழங்கியுள்ள உரிமையை கூடாது என்று சொல்வது சட்ட விரோதமல்லவா.

Write on செவ்வாய்க்கிழமை, 17 ஏப்ரல் 2018

சமூகநீதி முரசு மாத இதழில் வேலை வாய்ப்பு செய்திகள் வருவது பயனுள்ளதாக இருக்கிறது. மேலும் அது போன்ற செய்திகளை தரவும். இப்போது தொழில் துறையிலும் முஸ்லிம்கள் பயன்பெற தொழில் முனைவோர்களை உருவாக்கும் நோக்கத்தோடு தொழில் செய்வது சம்பந்தமான ஆலோசனைகள் வழங்கும் தொடர் ஒன்றை வெளியிடுவதும் சந்தோஷமாக இருக்கிறது. அல்ஹம்து லில்லாஹ்… அல்லாஹ் உங்களுக்கு நன்மையை வழங்கட்டும்.

Write on செவ்வாய்க்கிழமை, 17 ஏப்ரல் 2018

பிரச்சனைகளுக்கான காரணங்களும் தீர்வுகளும் கட்டுரையில் நல்ல பல ஆலோசனைகள் கிடைத்தன. எதுவுமே நிரந்தரமில்லாத உலகில் உங்கள் சிரமங்கள் மட்டும் எப்படி நிரந்தரமாகிப் போகும் என்று கட்டுரையின் கடைசியில் குறிப்பிடப்பட்டிருக்குக்கும் வார்த்தைகள் மனதுக்கு வலிமை தரும் வார்த்தைகளாக அமைந்தன.

Write on செவ்வாய்க்கிழமை, 17 ஏப்ரல் 2018

தொழில் செய்வோம் வளம் பெறுவோம் கட்டுரை தொடர் நல்ல தொடக்கம். தொழில் செய்யும் எண்ணம் கொண்டவர்களுக்கு உதேகத்தையும் நேர்மறையான சிந்தனைகளையும் கொடுக்கும் விதமாக கட்டுரை அமைந்திருந்தது. தயக்கம் இல்லாமல் தொழில் துறையில் கால் பதிக்க இது போன்ற ஆர்வமூட்டும் ஆலோசனைகளை வழங்கவும். சமூகநீதி முரசு இதழுக்கும் கட்டுரையாசிரியருக்கும் மனமார்ந்த வாழ்த்துக்கள்.

Write on செவ்வாய்க்கிழமை, 17 ஏப்ரல் 2018

சிரியா குறித்த கட்டுரைகளை படித்த போது உலகமெங்கும் முஸ்லிம்களுக்கும் இஸ்லாத்திற்கும் எதிராக நடக்கும் சூழ்ச்சி வலையையும் அதன் பின்னணியையும், அந்த சூழ்ச்சியில் பலியாகிப் போன முஸ்லிம்களின் பலவீனத்தையும் புரிந்து கொள்ள முடிந்தது. இஸ்ரேல் என்ற யூத நாட்டுக்காக குழந்தைகள் பெண்கள் என பல லட்சம் சிரியா முஸ்லிம்கள் கொன்று குவிக்கப்படுவதற்கு முஸ்லிம்களும் உடந்தையாக இருக்கிறார்கள் என்பதை என்னால் ஜீரணிக்க முடியவில்லை துக்கம் தொண்டையை அடைக்கிறது. முஸ்லிம்களுக்கு எதிராக ஆயுதம் ஏந்துவதை குற்றமென கருதாத முஸ்லிம் நாடுகளை எப்படி அழைப்பது? அல்லாஹ் தான் சிரியா மக்களுக்கு பாதுகாப்பையும் மனநிம்மதியையும் வழங்க வேண்டும்.