சமூக மாற்றம் என்பது சிந்தனை மாற்றமே!

சமூக மாற்றம் என்பது சாதாரனது அல்ல. அது தானாக நிகழும் நிகழ்வும் அல்ல. கடந்த 30ஆண்டுகளாக பொருளாதார வளர்ச்சியே மனிதனின் வளர்ச்சி, வசதி வாய்ப்பைப் பெருக்குவதே வாழ்வின் இலக்கு என்ற வெறியோடு ஓடத்துவங்கிய மனிதன் இன்று தனது அடிப்படைத் தேவைகளுகாக 24 மணி நேரம் உழைத்தாலும் பூர்த்தி செய்ய இயலாமல் தவிக்கின்றான்.

உணவு, உடை, இருப்பிடம்,மருத்துவம் போன்ற அடிப்படை ஆதாரத் தேவைகளை இன்று ஒரு நடுத்தர குடும்பம் பூர்த்தி செய்வதற்குள் குடும்பத்தலைவனின் விழி பிதுங்குகிறது. இந்தச் சூழலில் அவன் சார்ந்திருக்கும் சமூக மக்களின் இன்னல் தீர்க்கும் சமுதாயப் பணியிலும் அவன் ஈடுபட வேண்டும் என்ற எதிர்பார்ப்பு அவனை மிகுந்த சிரமத்திற்குள்ளாக்குகிறது.
மக்களில் விரல் விட்டு எண்ணக்கூடியவர்களுக்கு மட்டுமே தன்னைச் சுற்றி தனது சமுதாயத்தைச் சுற்றி நடைபெறும் நிகழ்வுகளை நுணுக்கமாக அறியக்கூடிய அறிவை வழங்குகின்றான். அதில் ஒரு சிலருக்கு மட்டுமே தனது சமூகத்திற்கான பெருகிவரும் ஆபத்துக்களைக் கண்டறியும் ஆற்றலைத் அல்லாஹ் தருகிறான்.
ஆபத்துக்களையும் சிக்கலையும் அறிந்து கொள்ளும் பல அறிவு ஜீவிகள் சிலர் அந்த ஆபத்துக்களை மட்டுமே திரும்பத் திரும்ப பேசிக் கொண்டிருப்பதைக் காணலாம். அந்த மிகச் சிலரில் ஓரிருவருக்கு மட்டுமே தீர்வை எடுத்துக் கொண்டு களப்பணியாற்றும் செயல்திறன் வழங்கப்படுகிறது.
தமிழக முஸ்லிம்களின் சிக்கலையும் எதிர்கால ஆபத்துக்களையும் வரலாற்று நிகழ்வின் அடிப்படையில் ஆராய்ந்து அவற்றிற்கான நீடித்த நிலையான தீர்வையும் கண்டறிந்து அந்த தீர்விற்கு செயல்வடிவம் கொடுத்திட தொலைநோக்குத் திட்டத்துடன் களப்பணியாற்றும் ஆற்றலை சமூகநீதி அறக்கட்டளை மற்றும் தமிழ்நாடு முஸ்லிம் கல்வி இயக்கத்தோடு இணைந்து பணியாற்றும் தோழர்கள் வளர்த்துக் கொண்டு வருகின்றனர்
தமிழக முஸ்லிம் சமூகத்தின் இன்றைய அனைத்து பின்னடைவுகளுக்கும் காரணம் தற்போது நடைமுறையில் உள்ள குழப்பமான குறைபாடு நிறைந்த கல்வி அமைப்பு தான். மனித வளர்ச்சியின் அடிப்படை ஆதாரமாக விளங்கும் கல்வி திட்டத்தில் குழப்பம் நிறைந்திருந்தால் மனித சமூகமே குழப்பதில் சிக்கிக் கொள்ளும் அது தான் இப்போது நடக்கிறது.
இஸ்லாத்தில் ஆகுமாக்கப்பட்ட ஹலாலான கல்விப் பாதையிலிருந்து தமிழக முஸ்லிம் சமூகம் கடந்த 65ஆண்டுகளாக பாதை மாறி பயணித்ததின் காரணமாக அதன் எதிர் விளைவுகள் சமூகத்தில் மிக கோரமாக காட்சியளிக்கிறது.
அந்த விளைவுகளின் ஆபத்துகளை நுட்பமாக அறிந்து கொள்ளும் பக்குவத்தையும் சமூகம் இழந்து வருகிறது.
மனித வாழ்வு இரயில் பயணத்தைப் போல சொற்ப கால அவகாசத்தைக் கொண்டது. மரணமும் அதனைத் தொடர்ந்த மறுமையும் தான் வாழ்வின் எதார்த்தம் என்ற உண்மை உள்ளடக்கிய வாழ்க்கைக் கலையை இஸ்லாம் தனது கல்வியின் மையக் கருவாக முன்வைக்கிறது. இதை ஏற்று வாழும் முஸ்லிம்களுக்கு இஸ்லாமியக் கல்வியின் இந்த மையக் கருத்தை உங்கள் பிள்ளைகளின் உள்ளங்களில் தங்கு தடையின்றி முறைப்படி பதிய வையுங்கள் என்று கட்டளையிடுகிறது.

பெருமானார் நபிகள் நாயகம் (ஸல்) அவர்கள் இந்த மையக் கருத்தின் அடிப்படையில் 23 ஆண்டுகளில் ஒரு சமூகத்தைக் கட்டமைத்துக் காட்டினார்கள். உலகம் உள்ள வரை அது தொடர ஒவ்வொரு காலத்திலும் உருவாகும் இளம் தலைமுறைக்கு இஸ்லாமியக் கல்வியை முறையாக பயிற்றுவிக்கச் சொன்னார்கள். வரலாறு முழுக்க வாழ்ந்த முஸ்லிம் சமூகம் தனது பிள்ளைகளை முறைப்படுத்தப்பட்ட இந்த இஸ்லாமிய கல்வி திட்டத்தை பயிற்றுவித்து உருவாக்கியது.

அதன் தொடர்ச்சியாக இன்றைய சூழலைக் கவனத்தில் கொண்டு தமிழகத்தில் தற்போது இயங்கும் அரபு மதரஸாக்கள் இஸ்லாமிய உலகின் அரபு கலாசாலைகளுக்கு நிகராக தரம் உயர்த்தப்பட வேண்டும். மார்க்கக் கல்வியோடு அரசின் பள்ளி இறுதித்தேர்வும் பட்டப்படிப்பும் இணைக்கப்பட்ட உயர்தரமான மதரஸாக்கள் புதிதாக தமிழகம் முழுவதும் உருவாக்கப்பட வேண்டும்.
இஸ்லாமிய பள்ளிக் கூடங்கள் தமிழகம் முழுவதும் பெருக வேண்டும். அவற்றில் பணியாற்றுவதற்கு நிர்வகிப்பதற்கு முஸ்லிம் பெண்கள் கல்வியாளர்களாக கல்வி நிறுவனங்களை நடத்தும் திறன் பெற்றவர்களாக உருவாக்கப்பட வேண்டும். மார்க்கக் கல்வியும் இன்றைய உயர்கல்வியும் இணைக்கப்பட்ட மகளிர் கல்லூரிகள் தமிழகத்தின் பல்வேறு பகுதிகளில் குறைந்தது 15 வது உருவாக்கப்பட வேண்டும்.
இந்தச் சமூக முன்னேற்ற செயல் திட்டங்கள் கடந்த 17 ஆண்டுகளாக சமூகநீதி அறக்கட்டளை மற்றும் தமிழ்நாடு முஸ்லிம் கல்வி இயக்கம் சார்பில் தமிழக முஸ்லிம் சமூகத்தில் கருத்துக்களாக வைக்கப்பட்டு அவற்றிற்கு செயல் வடிவம் கொடுக்கும் விதமாக இஸ்லாமியப் பள்ளிக்கூடங்கள் மகளிர் கல்லூரிகள் புதிய மதரஸாக்கள் துவங்குவதற்கான வேலைகள் மிக மிக வேகமாக அதே நேரத்தில் நிதானமாக பொறுப்புணர்வோடு மூத்த உலமாக்கள் மற்றும் கல்வியாளர்களின் ஆலோசனைப்படி நடைபெற்று வருகின்றன.
ஜகாத் தொகையையயும் சதகாத் தொகையையும் சமூக மக்களிடமிருந்து ஒருசேர பெறுவதற்கு தகுதி வாய்ந்த சமூகநீதிஅறக்கட்டளையின் இந்த மறுமலர்ச்சிப் பணிகளை புனிதமான இந்த ரமளான் மாதத்தில் உள்ளத்தாலும் பிரார்த்தனையாலும் உங்களுடைய பொருளாதாரத்தாலும் நிரம்பச் செய்திடுவீர்!
- சமூகநீதி அறக்கட்டளை..

Samooga Neethi Arakattalai, A/c. No. 97.53.11700
Dhanalakshmi Bank, Mannady Branch, Chennai-1.